بعد نشر القاهرة 24.. محافظ الشرقية يسلم والدة فتاة العاشر ضحية الاعتداء شقة سكنية و10 آلاف جنيه
سلم المهندس حازم الأشموني محافظ الشرقية، منذ قليل، والدة الطفلة المعروفة إعلاميا باسم طفلة الشرقية، وحدة سكنية بالإضافة إلى مبلغ مالي يقدر بـ 10 آلاف جنيه، بعد تعرض صغيرتها لجريمة اعتداء بشعة داخل أحد الحمامات العامة في مدينة العاشر من رمضان.
وكانت الأم، قالت خلال حديثها مع القاهرة 24، والتي تعمل بائعة في سوق العاشر من رمضان، وتقطن في شقة بالإيجار مع أطفالها الخمسة: أنا معرفوش؟! وكنت في حالي وبنتي كمان، وفجأة حياتنا اتدمرت بسبب الإنسان ده، طلع متجوز وعنده عيال، ومع ذلك عمل فيها كده، ومحدش يقنعني أنه مريض.
وأضافت الأم: بنتي حالتها النفسية وحشة وتعبانة قوي، ومش عارفة أعمل لها إيه؟ وأول ما شفته قدامي بعد ما تعدى على بنتي ضربته بالشبشب وفضلت أصرخ، حسيت إن الدنيا بتسود في وشي، وسألت الجيران عنه، قالوا إنه طبيعي ومش مريض وملوش سوابق ومجوز بنته من كام شهر؟! لكن اللي عمله ده لا يغتفر.
وأوضحت: بنتي دخلت الحمام، لقاها لوحدها، كتم نفسها وهددها وقال لها لو اتكلمتي هدبحك، ولما حاولت تصرخ كتم أنفاسها وتعدى عليها، ولولا الستات اللي كانوا داخلين بالصدفة، كان زمانها دلوقتي في مصيبة أكبر، وحتى الآن منتظرين تقرير الطب الشرعي علشان نعرف اللي حصل بالضبط.
