سيدة تستغيث من محل فسيخ شهير: جالي تسمم وبقالي 10 أيام في المستشفى
استغاثت سيدة عبر حسابها الرسمي بمنصة فيسبوك من أحد محلات الفسيخ الشهيرة، بعد إصابتها بـ نزلة معوية حادة وتسمم والتهاب بالأمعاء، إثر تناولها وجبة الفسيخ من أحد العلامات التجارية الشهيرة، بالإضافة لـ سلبية التعامل مع شكوتها من قبل الصفحة الرسمية التابعة للمحل.
وشاركت سيدة تُدعى مريم المهدي منشورًا عبر حسابها الشخصي بموقع التواصل الاجتماعي فيسبوك، عبرت فيه عن غضبها بسبب إصابتها بـ نزلة معوية بعد تناول وجبة فسيخ من أحد المحلات الشهيرة، وكتبت: يا جماعة دي محادثة مع صفحة فسيخ أم مكة، اللي كل يوم تطلع بتاكل فسيخ على صفحتها وبلوجر وفنانات زي وفاء عامر وغيرها يعمل لها ريفيو وقد فسيخ أم مكة ممتاز، ودا شجعني اشتري منها قولت بتاكل من شغلها وناس كتير بتعمل لها دعاية.
سيدة تستغيث من محل فسيخ شهير
وأضافت السيدة: لكن الظاهر اللي بتعمله لبيتها وللمشاهير والبلوجرز حاجة واللي بتعملهللبيع وللعملاء حاجة تانية مختلفة خالص كله تلوث وعدم نظافة، لأن بجد ناس معندهمش ضمير ولا نظافة، ومش بيتقوا الله في الفلوس اللي داخلة على أولادهم، واللي حصل إني اشتريت منهم 3 وحدات فسيخ جامبو وبطاريخ رنجة، وأم الخلول ونصف كيلو فسيخ مخلي.
وأكملت السيدة: بعد ما أكلت الفسيخ المخلي والبطاريخ ساعتين بالضبط سبب لي تسمم، ونزلة معوية صعبة والتهاب شديد بالأمعاء كنت بموووت حرفيًا بسببهم ليا 10 أيام في المستشفى، ولسة فاضلي 3 أيام مضادات حيوية قوية لأن الدكتور قالي إصابة ليستريا ويا ريت بكتيريا اللايستريا وخطورتها دي بتدمر الأغشية السحائية للمخ وبتسبب الوفاة لقدر الله، وبتخترق المشيمة وتموت الأجنة للحوامل ادعو لي تعدي على خير، وخلصت كورسين مطهرات معوية وأدوية لعسر الهضم والترجيع والإسهال ومفيش مطهرات معوية ولا أدوية جايبة نتيجة معايا، والله بقالي 10 أيام وعايشة على المحاليل والمضادات الحيوية.
وواصلت السيدة: وأنا خصيمتها أمام الله ولن أتنازل عن حقي في الدنيا ولا الآخر حقي في المرض والجري على الدكاترة وبهدلة زوجي معايا، وكمية الأدوية اللي دخلت جسمي وكمية الأبر والحقن اللي اخدتها، حرام يا أم مكة طالما مفيش نظافة ومفيش اهتمام بصحة الناس تشتغلي أي حاجة تانية مش لازم فسيخ وتعرضي صحة الناس للخطر.
