فيفي عبده لـ مذيعات التوك شو: كفاية كلام عن الرجالة والستات خربتوا بيوتهم.. ولازم نتكلم عن الحماوات
كشفت الفنانة فيفي عبده، رأيها في برامج التوك شو، موجهة رسالة لـ المذيعات بضرورة الحديث عن دور الحماة في حياة ابنها وابنتها، بجانب الحديث عن طريقتها في التعامل مع أزواج بناتها.
وقالت فيفي عبده، في ندوتها بالقاهرة 24: لازم نبطل كلام عن الرجالة والستات ونتكلم عن الحماوات، خربتوا بيت الرجالة والستات، لازم نصلح العلاقات بين الاتنين، ونتكلم عن الحماوات لأنها مهمة جدًا والأمهات عليها عامل كبير جدًا في تربية الأولاد، بقى سايبين ده ورايحين يتكلموا على الرجالة والستات؟ كفاية بقى.
وأضافت فيفي عبده: أنا حما كويسة أوي، وأنا أم أجواز بناتي مش حماتهم خالص، ومبقفش في صف بناتي وخلاص، ولو عملوا حاجة غلط بقولهم إنه غلط وهما عارفين الصح والغلط، وعمري ما اديت ليهم تعليق، هما عارفين أمهم إيه وعايشة إزاي.
فيفي عبده تكشف حقيقة استبدال فريدة سيف النصر بها في العتاولة 2
وقالت فيفي عبده في تصريح خاص لـ القاهرة 24: كل الكلام اللي بيتم تداوله ده غير صحيح، دور فريدة سيف النصر انتهى في العتاولة الجزء الأول، ومش حقيقي إن دوري تكملة لدورها لأني اسمي فيفي عبده، ومش بروح مكان حد، أنا لو بروح مكان حد كان زمان قدمت كل مسلسلات مصر.
آخر أعمال فيفي عبده
ومن ناحية أخرى، كان آخر أعمال الفنانة فيفي عبده، هو مسلسل العتاولة 2، الذي عُرض في السباق الرمضاني الماضي 2025، والعمل من بطولة الفنان أحمد السقا، طارق لطفي، فيفي عبده، زينة، باسم سمرة، هدى الاتربي، مي القاضي، ميمي جمال، نسرين أمين، مصطفى أبو سريع، مريم الجندي، ثراء جبيل، عزة مجاهد، لبني ونس، وعدد من ضيوف الشرف أبرزهم محمد علاء.
