أنا أعلى نسبة مشاهدة.. أبرز تصريحات فيفي عبده خلال ندوة تكريمها بالقاهرة 24: الرقص مرسوم على المعابد المصرية
فن
فيفي عبده
تحدثت النجمة فيفي عبده عن مشوارها الفني الطويل وكواليس أعمالها الأخيرة، وكشفت عن العديد من المواقف التي أثارت اهتمام جمهورها، وذلك في ندوة تكريمها بالقاهرة 24، ونستعرض لكم خلال السطور التالية، أبرز ما قالته الفنانة فيفي عبده
أبرز ما جاء في تصريحات فيفي عبده خلال ندوتها بالقاهرة 24
- تعاونت مع نخبة كبيرة من الفنانين في العتاولة 2.. وعزة ابنتي ممثلة شاطرة
- مشاهد الرقص في العتاولة 2 طبيعية ولو في فرح بنجيب راقصة.. وكنا حارصين على الكلام اللي بيتقال
- ابليكيشن التيك توك في حاجات خارجة كتيرة.. وأنا أعلى نسبة مشاهدة
- بدرس الرقص في جميع أنحاء العالم.. والرقص الشرقي مهم جدًا ومرسوم على المعابد المصرية
- قالوا إن جابوا رقاصة بالذكاء الاصطناعي في مسلسل رمضان.. أزاي نعمل تاريخ راقصة بـ AI
- انتشار الراقصات الأجانب زي الزمبلك اللي اتفتح على أخره
- إحنا اللي معلمين الأجانب الرقص وواخدين شهادة مني والرقص طلع منه هوانم
- أنا مصرية حتى النخاع وبرفض المهرجانات بسبب التجاوزات والابتذال اللي بيحصلوا
- لبس الراقصات الحالي في انحلال كبير.. وأنا كسرت الدنيا بجلابية
مشاركة فيفي عبده في العتاولة 2
وسبق وقالت فيفي عبده: مسلسل العتاولة لما أتعرض عليا مكنتش شُفت الجزء الأول، وأنا مبحبش المشاركة في الأجزاء التانية من الأعمال، عشان عملت مسلسل كيد النسا الجزء التاني والاختيار مكنش موفق، بس لما اتفرجت على العتاولة، شوفته في 3 أيام، وعجبني أوي، وخليتهم يبعتولي الورق.
وأضافت فيفي عبده: شخصية شديدة مختلفة عن الأدوار اللي عملتها ولون جديد، لأن لما اتعرض عليا إني أعمل ريا وسكينة بعد مسلسل الحقيقة والسراب، رفضته عشان مش عايزة الناس تشوفني شريرة.
