فيفي عبده: كان هيجيلي السُل بسبب أخبار الفيسبوك.. وتيك توك فيه حاجات خارجة
كشفت الفنانة فيفي عبده، موقفها من مواقع التواصل الاجتماعي، موضحة أنها لا تفضل موقع فيسبوك على الإطلاق.
وقالت فيفي عبده خلال ندوتها بـ القاهرة 24: كرهت الفيسبوك جدا وكنت بفتحه في الأول بس لقيت فيه حاجات مش عاجباني، وكان هيجيلي السُل منه بسبب الأخبار الكاذبة اللي فيه.
وتابعت فيفي عبده: قفلته خالص وروحت إنستجرام ومش بلاقي غيره مفتوح عشان أشتم عليه، والتيك توك فيه حاجات كتير خارجة.
تصريحات فيفي عبده
وسبق وكشفت فيفي عبده كواليس مشاركتها في مسلسل العتاولة الجزء الثاني، الذي عرض ضمن السباق الرمضاني 2025، ولعب بطولته الفنان أحمد السقا، وطارق لطفي، وباسم سمرة وآخرين.
وقالت فيفي عبده خلال ندوتها في القاهرة 24: مسلسل العتاولة لما أتعرض عليا مكنتش شُفت الجزء الأول، وأنا مبحبش المشاركة في الأجزاء التانية من الأعمال، عشان عملت مسلسل كيد النسا الجزء التاني والاختيار مكنش موفق، بس لما اتفرجت على العتاولة، شوفته في 3 أيام، وعجبني أوي، وخليتهم يبعتولي الورق.
وأضافت فيفي عبده: شخصية شديدة مختلفة عن الأدوار اللي عملتها ولون جديد، لأن لما اتعرض عليا إني أعمل ريا وسكينة بعد مسلسل الحقيقة والسراب، رفضته عشان مش عايزة الناس تشوفني شريرة.
