يارا السكري: الجمال بيساعد في الفن لكن مش كل حاجة.. وأنا ضد عمليات التجميل الكتير
تحدثت الفنانة يارا السكري عن حقيقة خضوعها لـ عمليات التجميل، وفوائدها وأضرارها، مشيرة إلى أنها في بعض الأحيان تكون هامة، لكن ليس من المستحب الإستخدام الزائد لها.
وقالت يارا السكري خلال ندوتها مع القاهرة 24: اللي عنده عيب كبير مزعله يعمل عمليات التجميل، لأن البنت لما بيكون في تفصيله فيها مش مرتاحلها، بتكون شايفة نفسها وحشة، وبالتالي اللي قدامك هيكون شايفك وحشة، ومش هيكون عندك صقة بنفسك، لكن أنا ضد العمليات الكتير، أي حاجة كتير مش حلوة.
وأضافت: أنا في حاجات أكتشفتها في نفسي من خلال كاميرة التمثيل، أنا خدت حقنه تدوب شفايفي عشان أكتشفت أنها كبيرة قدام الكاميرا، والتحول الجسدي بتفقدي الروح في الملامح، والجمال بيساعد في الدخول لـ التمثيل، لكن مش هو كل حاجة، لازم روح وتميز، لغة بالعين.
أعمال يارا السكري
في سياق آحر، بدأت يارا السكري مسيرتها في مجال الأزياء قبل أن تنطلق في عالم التمثيل، وظهر اسمها في فيلم الفلوس مع تامر حسني، ولكن مسلسل فهد البطل بطولة الفنان أحمد العوضي يعتبر أولى تجاربها الدرامية الكبيرة على الشاشة الصغيرة.
كما يضم مسلسل فهد البطل كل من: أحمد العوضي، ميرنا نور الدين، يارا السكري، لوسي، حمزة العيلي، كارولين عزمي، صفوة، عصام السقا، حجاج عبد العظيم، أحمد عبد العزيز، محمود البزاوي، صفاء الطوخي، عزت زين، ومن المفترض أن يشارك في العمل العديد من ضيوف الشرف سوف يتم الكشف عنهم خلال الأيام القادمة، وتدور الأحداث في إطار اجتماعي شعبي.
