بعد إحالته للمحاكمة.. القصة الكاملة لواقعة تعدي شخص على صغيرة العاشر داخل دورة مياه بالشرقية
قررت جهات التحقيق إحالة المتهم بالاعتداء على طفلة داخل حمام عمومي، في الشرقية للمحاكمة الجنائية، بمحكمة جنايات الزقازيق.
واقعة التعدي على صغيرة العاشر داخل دورة مياه بالشرقية
تعود البداية إلى تلقي الأجهزة الأمنية بلاغًا يفيد بتعرض صغيرة لواقعة تحرش على يد أحد الأشخاص بالقرب من سوق ابني بيتك بالعاشر من رمضان، على خلفية إقدام المتهم بملامسة مناطق حساسة من جسد الطفلة حال وجودها أمام دورة مياه عمومية بالسوق، وهو ما دفعها للاستغاثة بالمارة.
وانتقلت الأجهزة الأمنية إلى محل البلاغ وتم ضبط مرتكب الواقعة، كما جرى اقتياده إلى ديوان الشرطة، وتوالت الجهات المختصة التحقيق معه فيما هو منسوب إليه، وتم اتخاذ الإجراءات القانونية حيال الواقعة.
وقالت الأم التي تعمل بائعة في سوق العاشر من رمضان، وتقطن في شقة بالإيجار مع أطفالها الخمسة: أنا معرفوش؟! وكنت في حالي وبنتي كمان، وفجأة حياتنا اتدمرت بسبب الإنسان ده، طلع متجوز وعنده عيال، ومع ذلك عمل فيها كده، ومحدش يقنعني أنه مريض.
وأضافت الأم في تصريحات خاصة لـ القاهرة 24: بنتي حالتها النفسية وحشة وتعبانة قوي، ومش عارفة أعمل لها إيه؟ وأول ما شفته قدامي بعد ما تعدى على بنتي ضربته بالشبشب وفضلت أصرخ، حسيت إن الدنيا بتسود في وشي، وسألت الجيران عنه، قالوا إنه طبيعي ومش مريض وملوش سوابق ومجوز بنته من كام شهر؟! لكن اللي عمله ده لا يغتفر.
وأوضحت أن الواقعة بدأت عندما دخلت ابنتها الحمام: بنتي دخلت الحمام، لقاها لوحدها، كتم نفسها وهددها وقال لها لو اتكلمتي هدبحك، ولما حاولت تصرخ كتم أنفاسها وتعدى عليها، ولولا الستات اللي كانوا داخلين بالصدفة، كان زمانها دلوقتي في مصيبة أكبر، وحتى الآن منتظرين تقرير الطب الشرعي علشان نعرف اللي حصل بالضبط.
وأوضحت: أنا عايشة في بيت إيجار ومعايا 5 عيال، وشغاله ببيع سلع غذائية في السوق عشان أعيش، ورئيس المدينة وعدني أنه يفتح لي كشك يساعدني على مصاريف الحياة، وبنتي حياتها تدمرت، ونفسي يتعدم في ميدان عام عشان يكون عبرة لأي حد يفكر يعمل كده تاني.
كما تحدث والد المتهم بالتعدي علي صغيرة وملامسة مناطق حساسة من جسدها أمام دورة مياه عمومية بجوار سوق ابني بيتك بمدينة العاشر من رمضان، على الواقعة قائلا: “ابني مريض عقليا ولو فعلَا عمل كدا اعدموه”.
وطالب والد المتهم، خلال حديثه لـ القاهرة 24 بالكشف الطبي على نجله لتأكيد مرضه العقلي الذي عانى منه منذ الطفولة، قائلا: “اكشفوا عليه ولو طلع سليم اعدموه بجوار بيت ربنا علنًا.. احنا على مدار 25 سنة بنسعى لعلاجه ولم نترك مستشفى إلا وذهبنا”.
وأوضح أن لدى الأسرة الشهادات الطبية التي تثبت أنه يعانى من مرض عقلي، لافتا إلى أن الأقاويل المنتشرة غرضها تهييج الرأي العام ضد نجله.
من جانبها أوضحت المحامية بثينة غنيم، دفاع المجني عليها، أن الفتاة تمر بحالة صحية ونفسية سيئة للغاية، وتخضع للعلاج في منزلها تحت رعاية والدتها.
وأكدت أن الواقعة تركت أثرًا نفسيًا بالغًا على الطفلة، مطالبةً بسرعة محاكمة الجاني وإنزال العقوبة القانونية بحقه.
وحصل القاهرة 24 على تحقيقات صغيرة العاشر ضحية التعدي عليها داخل حمام عمومي، وقال المتهم خيري. ص المتهم بالتعدي على صغيرة العاشر من رمضان أمام جهات التحقق والبالغ من العمر 36 سنة ويعمل عامل خردة: اللي حصل إني أنا متجوز ومعايا ولد وبنت وامبارح طلبت مراتي علشان أعمل معاها علاقة فرفضت وشتمتني والنهاردة الصبح طلبتها وراحت شتماني وقالتلي أنت زي الجاموسة.
وأضاف المتهم أمام جهات التحقيق في واقعة التعدي على صغيرة العاشر من رمضان: وأنا بنام لوحدي في أوضة وهي بتنام لوحدها في أوضة تانية، ولما طردتني مشيت في الشارع وشوفت بنت وكان في حمام عمومي، ولما هيا دخلت أنا دخلت وراها الحمام ولقيتها قاعدة بتعمل حمام وقفلت علينا الباب ونيمتها على وشها في الأرض وكتمت بوقها بإيدي وتعديت عليها.
واستكمل المتهم أمام جهات التحقيق بالتعدي على صغيرة العاشر من رمضان: هي وقتها اتعورت ونزلت دم وبعدين أنا فتحت الحمام وخارج أنا وهي، وبعدين قابلت ناس وحكتلهم ومسكوني واتصلوا على الشرطة جات خدتني.
كما سلم المهندس حازم الأشموني محافظ الشرقية، منذ قليل، والدة الطفلة المعروفة إعلاميا باسم طفلة الشرقية، وحدة سكنية بالإضافة إلى مبلغ مالي يقدر بـ 10 آلاف جنيه، بعد تعرض صغيرتها لجريمة اعتداء بشعة داخل أحد الحمامات العامة في مدينة العاشر من رمضان.
