بخير وبيطمن الناس عليه.. صديق مقرب من إبراهيم شيكا يكشف آخر تطورات حالته الصحية
تصدر اسم لاعب نادي الزمالك الأسبق إبراهيم شيكا تريند مواقع التواصل الاجتماعي خلال الساعات الأخيرة، بعد تداول أنباء عن نقله إلى العناية المركزة بأحد مستشفيات التجمع الخامس، وتدهور حالته الصحية بسبب مرض سرطان المستقيم.
صديق شيكا يكشف آخر تطورات حالته الصحية
وقال صديق مقرب للاعب إبراهيم شيكا، ويُدعى محمد إيهاب في تصريحات خاصة لـ القاهرة 24: الحمد لله شيكا بخير وبقى أحسن بفضل ربنا، وبيطمن الناس كلها عليه وعلى صحته، وهو المفروض يخرج من الرعاية المركزة النهاردة أو بكرة إن شاء الله.. الدكاترة قالولنا كده بعد ماعملوا أشعة له.
وأضاف صديق إبراهيم شيكا: الفترة اللي فاتت، انتشرت شائعات كتيره خاصة بمرض شيكا وفيه ناس طلعت تقول كلام مش صح خالص، أنا صديقه من زمان وبقعد معاه في المستشفى كتير وتقريبا بروحله بشكل يومي، ولقيت للأسف أن فيه شائعات كتير انتشرت وناس طلعت بتقول أنه بعد الشر مات، وناس بتترحم عليه لكن الحمد لله هو عايش وربنا يطول في عمره.
وفي وقت سابق، تداول مستخدمو مواقع التواصل الاجتماعي، فيديوهات للاعب نادي الزمالك الأسبق إبراهيم شيكا، معبرين عن دعمهم وحبهم له، وتشجيعًا له على استمرار رحلة العلاج.
