هروحله بيها أول ما يخرج من المستشفى.. أول تعليق من الطفل صاحب لوحة شيكا: اجمد يا بطل كلنا بندعيلك
تصدر اسم لاعب نادي الزمالك الأسبق إبراهيم شيكا تريند مواقع التواصل الاجتماعي خلال الساعات الأخيرة، بعد تداول أنباء عن نقله للعناية المركزة بأحد مستشفيات التجمع الخامس، وتدهور حالته الصحية بسبب مرض سرطان المستقيم، مما دفع طفل لرسم لوحة بصورة اللاعب إبراهيم شيكا، تشجيعًا له.
وأضاف الصغير أدم صاحب اللوحة: بحب كابتن إبراهيم شيكا أوي مع إني أهلاوي وهو زملكاوي، ونفسي ربنا يشفيه ورسمت اللوحة عشان أدعمه بيها، ونفسي أقول للكابتن اجمد يا بطل عشان هجيلك بالوحة لحد عندك وازورك بيها، أول ما تخرج من المستشفى.
أول تعليق من الطفل صاحب لوحة شيكا
وقال والد الصغير أدم، محمد فاروق والشهير بـ كينج مصر في تصريحات خاصة لـ القاهرة 24: ابني الصغير أدم رسم لوحة إبراهيم شيكا كنوع من الدعم له في محنته ومرضه، وعان نشجعه في الظروف اللي بيمر بيها، ودي الحاجة الوحيدة اللي في أيدينا نقدمهاله، ونفسنا الناس كلها تدعيله عشان الدعاء بيغير القدر.
وأضاف والد الصغير آدم: اللوحة فرحت كابتن شيكا جدًا وكتب لنا كومنت على الفيديو ويارب تفرحه أكتر وأكتر وتوصل لقلوب الناس وتدعيله ربنا يشفيه، ويرجع أحسن من الأول.
