علي جمعة: الحب مش بالسن.. ولما الابنة تعترف لوالدتها يجب على الأم أن تستوعب وتجعل العلاقة في العلن
أجاب الدكتور علي جمعة، مفتي الجمهورية السابق على سؤال ورد إليه من صغيرة نصه: لو ولد اعترف لبنت بمشاعر واعترفت لأمها ووالدتها رفضت تعمل إيه؟
إجابات الدكتور علي جمعة على أسئلة الصغار
وقال الدكتور علي جمعة، خلال برنامجه الرمضاني نور الدين والدنيا: الحب مش بالسن.. ولازم الأم تستوعب هذا وتجعله في العلن والإشراف.. ولو الأم ماعملتش كدا وضربتها بالشبشب يبقا هنتحول لدور الكذب.
كما أجاب الدكتور علي جمعة، عضو هيئة كبار العلماء، على سؤال ورد إليه من شاب نصه: ولد وبنت بيحبوا بعض ومينفعش يتزوجوا بحكم السن والدراسة فماذا يفعلوا؟
وقال خلال تصريحات تليفزيونية: بنقول على دا عريان باشا الملط، يعني مش معاه حاجة، روح قول لأبوها، سواء قرايب أو جيران أيا كان، قوله عايزك تشرف عليا واعتبرني ابنك.
وتابع: هتاخد الكلمة دي مني ويقولوا بيسيء للشباب، لا مش قصدي، قصدي نحيي الكلمات اللطيفة بتاعة البلد اللي هو يا جماعة ده الواد ده عريان باشا ملط يعني أبوه بيصرف عليه.
