شاب: ولد وبنت بيحبوا بعض ومينفعش يتزوجوا بحكم السن والدراسة فماذا يفعلوا؟.. علي جمعة: ده عريان باشا الملط
أجاب الدكتور علي جمعة، عضو هيئة كبار العلماء، على سؤال ورد إليه من فتاة صغيرة نصه: لو اتنين بيحبوا بعض والأهل عارفين لكن بيتحكم فيها وعايز يغير من شخصيتها؟.
شاب: ولد وبنت بيحبوا بعض ومينفعش يتزوجوا بحكم السن والدراسة فماذا يفعلوا؟
وقال خلال تصريحات تليفزيونية: بنقول على دا عريان باشا الملط، يعني مش معاه حاجة، روح قول لأبوها، سواء قرايب أو جيران أيا كان، قوله عايزك تشرف عليا؛ لأنني مش قادر مقولش ليها، فاشرف عليا واعتبرني ابنك.
وتابع: هتاخد الكلمة دي مني ويقولوا بيسيء للشباب، لا مش قصدي، قصدي نحيي الكلمات اللطيفة بتاعة البلد اللي هو يا جماعة ده الواد ده عريان باشا ملط يعني أبوها بيصرف عليه.
وواصل: يلا بينا ندخل دائرة العفاف يلا بينا ندخل دائرة العلن لا الخفاء يلا بنا ندخل دائرة الإشراف لا الهرتلة، يلا بينا ندخل الدائرة إدراك الواقع، فأنت بتحبها فمترحش تشاغلها لكن عينك باينة والبنت بتفهم وهتقول هو بييحبي وعينه بتبعت رسايل، فروح قول لأبوها بحبها، سواء قرايب أو جيران أيا كان، قوله عايزك تشرف عليا؛ لأنني مش قادر مقولش ليها، فأشرف عليا واعتبرني ابنك، والكلام اللي بقول لا أنت فاهمه ولا أبوها فاهمة ولا اللي هيعترضوا فاهمين لكن أنا بأسس لمجتمع ونبني مجتمع قوي فبدعو الآباء إلى أنهم يستمعموا ويستوعبوا ويرتبوا ويشرفوا.
وواصل: نخلص إلى أن العلاقة بين الولد والبنت تكون من خلال شروط كشرط الوضوء للصلاة فلابد من إتمام الوضوء حتى تصح صلاتنا، فلابد من العفاف العلن الإشراف وإدراك الواقع.
