رامي صبري: باركت لـ أحمد سعد وتامر عاشور وبحب أسمع كل الألبومات اللي بتنزل
كشف رامي صبري، عن رأيه في العديد من الألبومات التي تم طرحها مؤخرًا ومنها ألبوم أحمد سعد وتامر عاشور، واللذان تصدرا تريند منصات السوشيال ميديا.
رامي صبري: باركت لـ أحمد سعد وتامر عاشور وبحب أسمع كل الألبومات اللي بتنزل
وقال رامي صبري في تصريحات تلفزيونية: بحب أسمع كل الألبومات اللي بتنزل وعجبني ألبوم أحمد سعد وباركتله وقدر يقدم لون جديد عليه وألبوم تامر عاشور هو هو الدراما اللي بيقدمها، والاتنين مكسرين الدنيا.
وعن تعاونه مع تامر حسني في أغنية فعلًا مبيتنسيش، أوضح: تامر حسني صديقي من زمان ونجم كبير وبحبه، واتفقنا نقدم دويتو مع بعض ونزل ونجح وعجب الناس، والفكرة من الأغنية هي العمل الجماعي وإن لازم كل الناس تشتغل مع بعض.
وعن ويجز قال: وأنا قد ويجز كنت بعمل أكتر منه وهو لسة صغير ومعندوش خبرة الرد.. وأنا بحبه وبحب فنه ومعرفش هو ليه اتضايق مني بس ممكن حد سخنه.
وتحدث الفنان رامي صبري منذ فترة عن إمكانية تعاونه مع ويجز، وذلك بعد الخلاف الذي نشب بينهما خلال الفترة الماضية بسبب تصريحاته حول عدم فهمه لـ كلمات أغاني ويجز، قائلًا: أوافق أتعاون مع ويجز هو شاطر ومجتهد وناجح، وأنا لسه عند كلامي أني مبفهمش كلمات أغانيه، في أغاني بتاعته لغاية دلوقتي مبفهمش كلماتها.
