رامي صبري عن خلافاته مع ويجز: معندوش خبرة الرد
علق المطرب رامي صبري، عن خلافاته الأخيرة مع ويجز، والمشاهدة الكلامية التي نشبت بينهما مؤخرا.
وقال رامي صبري خلال تصريحات تليفزيونية: كنت زمان بزعل وأنا قد ويجز كنت بعمل أكتر منه وهو لسه صغير، هو معندوش خبرة الرد، وأنا بحبه وبحب فنه.
وأضاف: معرفش هو ليه اتضايق بس ممكن حد سخنه ومش ضد أي حد ومن حق أي حد يعمل أي حاجة مدام مش بيضر حد.
خلافات رامي صبري وويجز
وسبق وأعرب ويجز، عن استيائه من تصريحات رامي صبري، حول عدم فهمه كلمات أغاني ويجز، وقال ويجز، في مقطع فيديو عبر حسابه الشخصي بموقع إنستجرام: هتكلم على فنان فاكر أن عنده صلاحية يطلع في أي وقت يتكلم على حد والناس تسمع وتسكت، الفنان ده اسمه رامي، كل ما يقعد 5 شهور يزهق يطلع يتكلم في التليفزيون عن بتوع الراب، طيب أنت بتتكلم إمتى على بتوع البوب اللي أنت منهم؟، هتتكلم إمتى على فنك ومجالك؟.
وتحدث الفنان رامي صبري، عن إمكانية تعاونه مع مطرب الراب ويجز، وذلك بعد الخلاف الذي نشب بينهما خلال الفترة الماضية بسبب تصريحاته حول عدم فهمه لـ كلمات أغاني ويجز، قائلًا: أوافق أتعاون مع ويجز هو شاطر ومجتهد وناجح، وأنا لسه عند كلامي أني مبفهمش كلمات أغانيه، في أغاني بتاعته لغاية دلوقتي مبفهمش كلماتها.
