مصدر بالصحة: إصابة عامل بكسور في سقوط سقالة بموقع حفر الخط الرابع للمترو بالمنيل
كشف مصدر مطلع بوزارة الصحة والسكان، أن حادث سقوط سقالة بموقع حفر الخط الرابع لمترو الأنفاق في منطقة المنيل بمحافظة القاهرة، أسفر عن إصابة عامل واحد، بكسور متفرقة وجرى نقله إلى مستشفى خاص بالقاهرة.
تفاصيل الحالة الصحية للعامل المصاب في حادث سقوط سقالة بموقع حفر الخط الرابع للمترو
وأوضح مصدر، لـ القاهرة 24، أن العامل يدعى محمود محمد، 56 عامًا، أصيب باشتباه كسور في الفقرات العنقية والقدم اليمنى واليسرى، ويخضع للفحوصات الطبية والعلاجية اللازمة.
وأثار الحادث حالة من الخوف بين سكان المنطقة، حيث استغاثت فتاة تدعى حبيبة تامر، من أعمال حفر المترو التي ينفذها عمال يتبعون شركة Orascom للإنشاءات؛ والمسند إليها تنفيذ أعمال الحفر الخاصة بمشروع الخط الرابع لمترو أنفاق القاهرة.
وكتبت الفتاة في منشور لها عبر صفحتها الرسمية على موقع التواصل الاجتماعي فيسبوك: أنا من سكان شارع الروضة - المنيل، وبواجه خطر يومي بسبب أعمال حفر المترو التابعة لشركة Orascom قدام صيدلية سيف.. النهاردة حصلت حادثة خطيرة في الموقع، اثنان من عمال الحفر؛ سقطوا بداخل حفرة خلال وضع الخرسانة المسلحة، رغم إنهم كانوا لابسين safety.. طيب، لو العمال نفسهم في خطر، إحنا كسكان اللي بنعدي يوميًا بدون أي إجراءات أمان مصيرنا إيه؟
وأضافت حبيبة: المشكلة إن ده الطريق الوحيد لبيتي، وبضطر أمشي على معدّية خشب متهالكة ومش آمنة تمامًا، ممكن تنهار في أي لحظة، غير كده، المباني حوالينا بتتهز كل يوم من الحفر، وده بيثير قلقنا كسكان.. هل هنفضل مستنيين كارثة زي عمارة الشربتلي في الزمالك تحصل عندنا عشان حد يتحرك.
وأكملت الفتاة: عمال الحفر نفسهم مش بس بيسببوا خطر، فيه مضايقات ومعاكسات من بعضهم للسكان اللي بيعدوا من الموقع.. إحنا عايزين حل حقيقي لتأمين الطريق للناس اللي بتمر يوميًا وضمان سلامة المباني القريبة من موقع الحفر ووقف أي مضايقات من العمال للسكان، لأن الموضوع مش مجرد إزعاج، ده خطر حقيقي، ولازم يكون فيه تحرك سريع قبل ما تحصل مصيبة.
