العمال وقعوا وإحنا في خطر.. سكان المنيل يستغيثون من أعمال الحفر بالخط الرابع لمترو الأنفاق
استغاثت فتاة تدعى حبيبة تامر، من أعمال حفر المترو التي ينفذها عمال يتبعون شركة Orascom للإنشاءات؛ والمسند إليها تنفيذ أعمال الحفر الخاصة بمشروع الخط الرابع لمترو أنفاق القاهرة.
ودوّنت الفتاة في منشور لها عبر صفحتها الرسمية على موقع التواصل الاجتماعي فيسبوك: أنا من سكان شارع الروضة - المنيل، وبواجه خطر يومي بسبب أعمال حفر المترو التابعة لشركة Orascom قدام صيدلية سيف.. النهاردة حصلت حادثة خطيرة في الموقع، اثنان من عمال الحفر؛ سقطوا بداخل حفرة خلال وضع الخرسانة المسلحة، رغم إنهم كانوا لابسين safety.. طيب، لو العمال نفسهم في خطر، إحنا كسكان اللي بنعدي يوميًا بدون أي إجراءات أمان مصيرنا إيه؟
وأضافت حبيبة: المشكلة إن ده الطريق الوحيد لبيتي، وبضطر أمشي على معدّية خشب متهالكة ومش آمنة تمامًا، ممكن تنهار في أي لحظة، غير كده، المباني حوالينا بتتهز كل يوم من الحفر، وده بيثير قلقنا كسكان.. هل هنفضل مستنيين كارثة زي عمارة الشربتلي في الزمالك تحصل عندنا عشان حد يتحرك؟!
وأكملت الفتاة: عمال الحفر نفسهم مش بس بيسببوا خطر، فيه مضايقات ومعاكسات من بعضهم للسكان اللي بيعدوا من الموقع.. إحنا عايزين حل حقيقي لتأمين الطريق للناس اللي بتمر يوميًا وضمان سلامة المباني القريبة من موقع الحفر ووقف أي مضايقات من العمال للسكان، لإن الموضوع مش مجرد إزعاج، ده خطر حقيقي، ولازم يكون فيه تحرك سريع قبل ما تحصل مصيبة.
