هي نسيت وانتي منسيتيس.. مصمم صوتيات مسلسل لام شمسية يكشف حقيقة الجملة الشهيرة المتداولة للعمل
كشف أحمد صبور، مصمم صوتيات مسلسل لام شمسية، حقيقة جملة متداولة بين جمهور العمل، مشيرا إلى أنها لم تكن ضمن حوار المسلسل كما هو متداول.
وقال أحمد صبور عبر حسابه بموقع فيسبوك: أكتر حاجة لفتت نظري في الدوشة والإشاعات اللي حصلت على نهاية لام شمسية، هي إشاعة أنه في الحلقة الأولى وسام قال لرباب وهو بيغسل شعرها “هي نسيت وانتي منسيتيس”، والناس بتستخدم ده على إنه دليل قاطع إن كان فيه تمهيد لأن وسام يتحرش بزينة.
مصمم صوتيات مسلسل لام شمسية ينفي الجملة الشهيرة المتداولة للعمل
وتابع صبور: اتفاجأت بقد إيه الناس كلها بتقول إن الجملة دي اتقالت، وأنا مش فاكر خالص إني سمعتها، مع العلم إني بسمع كل مشهد بدل المرة ألف، بحكم إني كنت مصمم شريط الصوت للمسلسل، فراجعت للحلقة وملقتش أي جملة أصلا تشبه الجملة دي.
وأضاف: شكيت في نفسي لدرجة إني رجعت سمعت صوت كل الـ takes اللي اتسجلت للمشهد ده والجملة دي متقالتش في ولا مرة منهم، بل ورجعت للنص الأصلي للمسلسل كمان والجملة دي ملهاش أي وجود في أي حتة.
واستكمل: الموضوع كله إن فيه حد بدأ الإشاعة دي، وبدأت تنتشر وبعدها تحولت لMandela Effect أو تأثير مانديلا، وهو عبارة عن ظاهرة نفسية، حيث يتشارك عدد من الأشخاص في تذكر حدث أو معلومة بطريقة غير دقيقة أو مغايرة للواقع الفعلي، وتقدروا تبحثوا في جوجل وتقرأوا اكتر عن الظاهرة دي، ودي شهادتي الأخيرة في الموضوع ده.
مسلسل لام شمسية
وعرض مسلسل لام شمسية في موسم رمضان 2025، بطولة كل من: الفنانة أمينة خليل، محمد شاهين، أحمد السعدني، صفاء الطوخي، يسرا اللوزي، وآخرين.
