الراقصة دينا: عشت قصة حب مع رجل مسيحي.. وأرفض تجميد البويضات لأنها لعب بالأنساب
تحدثت الراقصة دينا عن قصة الحب التي عاشتها في الماضي وعدم نجاحها لعدة أسباب، ثم تطرقت إلى السبب في رفضها التام لتجميد البويضات.
وتحدثت دينا خلال تصريحاتها التليفزيونية الأخيرة قائلة: عشت قصة حب في السر من غير جواز، بس مكملتش بسبب إن هو كان مسيحي صعيدي وأنا مسلمة، والكلام ده حصل وأنا لسه صغيرة.
وأردفت دينا: أي راجل هيعمل شروط عليا هقوله ربنا معاك، وغصب عني فضلت المهنة لأني كنت أب وأم، وهو علي ابني وهو صغير كان بيقولي عاوز أخ، ولما كبر سألته عاوز أخ قالي لا مش عاوز حد تاني خلاص كده.
الراقصة دينا: أرفض تجميد البويضات لأنها لعب بالأنساب
واستطردت: أرفض تجميد البويضات لأن فيها لعب بالأنساب وده حرام، ومريت بمواقف كتيرة صعبة وفي ناس كلموني قالولي قومتي إزاي؟ واتعلمت إزاي ربنا يشدني من تاني وأقوم على رجلي.
دينا: مشاهد سجن صيدنايا بسوريا ذكاء اصطناعي
وفي وقت سابق، تحدثت الراقصة دينا، عن رأيها فيما حدث بـ سجن صيدنايا في سوريا، والذي شهد وقائع مأساوية من قتل وتعذيب أطفال وشيوخ، مشيرة إلى أن ذلك من الممكن أن يكون تم بخاصية الذكاء الاصطناعي.
وقالت خلال لقائها في أحد البرامج التليفزيونية: مشاهد سجن صيدنايا في سوريا يمكن ذكاء اصطناعي، وحصل وقت ثورة مصر كان فيه قناة معينة كانت بتنزل حاجات ضدنا وبكون في القاهرة وبينزلوا اشتباكات ومفيش حاجة من الكلام ده، وبشار الأسد له ما له وعليه ما عليه وأكيد عمل حاجات كويسة، وكنت بحب أخوه باسل الأسد.
