دينا: والدي فهمنا إن أمي ماتت وهي عايشة.. والرقص عندي أهم من إنه يتبرى مني
تحدثت الراقصة دينا عن العديد من أسرار حياتها، بجانب رأيها في تقديم بعض الفنانات دور راقصة، كما أشارت إلى أنها أصبحت حاليًا راقصة مصر الأولى حسب قولها في لقاء تليفزيوني.
ونستعرض لكم أبرز تصريحات دينا التليفزيونية:
ـ الرقص عندي أول ما بدأت كان أهم من إن أبويا يتبرى مني.
ـ أنا تفوقت على راقصات جيلي ومعندناش راقصات كتير في مصر.
ـ أنا راقصة مصر الأولى حاليًا.. ولوسي وفيفي عبده مش بيرقصوا دلوقتي.
ـ عملت تأمين على رجلي وأنا صغيرة عشان كنت خايفة تتكسر وأنا برقص.
ـ عمري ما تعرضت للتحرش ولو حد فكر هيشوف مني اللي عمره ما شافه.
أبرز تصريحات الراقصة دينا
ـ رانيا يوسف مبتعرفش ترقص شفتها لابسة بدلة رقص ضحكت جدًا.
ـ مش بحب أرد على لوسي، وعمرنا ما كنا قريبين، بحب أتكلم مع فيفي حتى لو غلطت فيا.
ـ محمد رمضان مش نمبر وان، ولو أتقدملي وهو مش متجوز كنت وافقت بس مقبلش أكون زوجة تانية ولا أتجوز حد أصغر مني.
ـ فنان لبناني زميل جابني حفلات ومدانيش فلوسها وجورج وسوف أنقذني.
ـ بابا كان مفهمنا إن ماما ماتت وطلعت عايشة.. ولما عرفت سامحت والدي.
ـ لو أتعرض عليا مشهد قبلة لـ أحمد عز أو العوضي أو حلمي هختار العوضي.
ـ دفنوني وأنا صاحية في مسلسل نسر الصعيد، ونسيوني في النعش وكان مقفول عليا واتخنقت ومكنتش عارفة أتنفس، والمساعدين بتوعي هما اللي اكتشفوا الموضوع.
