مقابل مبالغ وهدايا خيالية.. تريند رفع الأوزان على تيك توك يثير حالة من الجدل
أثار تريند رفع الأوزان عبر منصة تيك توك للفيديوهات حالة جدل واسعة بين مستخدمي السوشيال ميديا، إذ يتضمن التحدي خلع الأشخاص لملابسهم لإبراز عضلاتهم ورفع أوزان ثقيلة خلال البث المباشر مقابل الحصول على الهدايا والمال، وكلما زاد الوزن ارتفعت قيمة الهدايا التي يتم إرسالها من الداعمين.
وتداول عدد من مستخدمي منصة تيك توك فيديوهات لتحدي رفع الأوزان، معبرين عن استيائهم الشديد من انتشار تلك التريندات عبر منصة تيك تيك، لخطورتها على الأطفال والمراهقين ممن حاولوا القيام بها لجلب المال.
تريند رفع الأوزان على تيك توك يثير حالة من الجدل
ولاقى تحدي رفع الأوزان حالة واسعة من الجدل عبر السوشيال ميديا بسبب تأثيره السلبي على صناعة المحتوى والتي تهدف لنشر القيم الإيجابية.
وكتب صاحب حساب: إيه اللي أنتوا بتعلموه للناس ده حسبي الله ونعم الوكيل فيكم يعني لما طفل يحاول يعمل التحدي عشان خاطر شوية فلوس ياخدها.
وأضاف صاحب حساب: إيه الكارثة اللي بنشوفها الأيام دي يعني لما متابع يبعتلك هدية بقيمة عالية بيلزمك تشيل وزن أثقل إيه الاستعباد اللي إحنا بقينا فيه ده.
وأردف مستخدم آخر: بجد بقينا بنشوف حاجات غريبة بتحصل اليومين دول وخطرها على الأطفال أكبر والستات كمان بقت بتعمل التريند ده فين شركة تيك توك تمنع اللي بيحصل ده.
