علي جمعة: لعبة السودوكو بتقوي الذهن وتبعد الزهايمر.. والشطرنج والكوتشينة ما دام مافيهاش فلوس حلال
قال الدكتور علي جمعة مفتي الجمهورية الأسبق وعضو هيئة كبار العلماء، إن القمار محرم وهو بلوة من البلايا، قائلًا: لما طلبت بعض الفنادق في مصر مراعاة السياح والسماح بعمل صالة قمار نص القانون على السماح بذلك ولكن يمنع منها المصريين ولا يسمح بدخولهم.
علي جمعة: لعبة السودوكو بتقوي الذهن وتبعد الزهايمر
وأجاب الدكتور علي جمعة خلال برنامجه الرمضاني نور الدين والدنيا، على سؤال ورد إليه من طالب مفاداه: ليا صاحبي بيلعب ببرامج القمار بيتسلى والفلوس اللي بيكسبها بيتصدق بيها.. هل يجوز؟
وقال الدكتور علي جمعة: حرام.. يعني أروح أعمل انحراف عشان أتصدق بيه زي بتوع المخدرات بيقولوا بتاجر فيها عشان أطلع لله.. دا ذنب ويجب أن يمتنع عنه.
كما رد الدكتور علي جمعة مفتي الجمهورية الأسبق وعضو هيئة كبار العلماء، على سؤال طالبة: هل الهاكر والوايت هاكر اللي بيساعدوا الناس حلال؟
وقال علي جمعة: كل ما هو نافع وخالي من الممارسات المنحرفة ومن القمار والمراهنات حلال.. لو خلى القرصنة في البلطجة وتتبع عورات الناس يعاقب أما لو ساعدهم عادي عامل زي البوليس.
كما أجاب الدكتور علي جمعة مفتي الجمهورية الأسبق وعضو هيئة كبار العلماء، على سؤال ورد إليه من طالب نصه: ليه المراهنات حكمها حرام والبورصة حلال؟
وقال الدكتور علي جمعة: لا المراهنات مافيهاش استثمار.. الاستثمار يكون له رأس مال باقي لكن المراهنات مافيهاش كدا، متابعًا: لعبة السودوكو بتقوي الذهن وتبعد الزهايمر وتخلي الإنسان يقوي مخه.. ولعبة الضمنة والشطرنج والكوتشينة ما دام ما فيهاش فلوس حلال.
