السيسي خلال إفطار أكاديمية الشرطة: سألت بتعملوا أكل لأولادنا وبناتنا المسيحيين ولا لأ؟
حرص الرئيس عبد الفتاح السيسي، رئيس الجمهورية، على تناول وجبة الإفطار مع طلاب أكاديمية الشرطة الجدد، وذلك بحضور اللواء محمود توفيق وزير الداخلية.
السيسي خلال إفطار أكاديمية الشرطة: سألت بتعملوا أكل لأولادنا وبناتنا المسيحيين ولا لأ؟
قال الرئيس عبد الفتاح السيسي: سألت بتعملوا أكل لأولادنا وبناتنا المسيحيين ولا لأ؟ ولا سايبنهم كدا، فمدير الأكاديمية قالي أطمئن بنعملهم أكل صيامي وكل حاجة تمام، مردفا: حبيت أفهمكم مفيش حاجة بتفوتنا، ابننا هو مين ملناش دعوة، هو وهي ابن وبنت مصر، ياخد حقه في أي مكان دون تمييز لا ديني ولا عرقي ولا طائفي.
السيسي: تجربة 2011 و2012 و2013 لما حصلت مشكلة مع الشرطة المجتمع عانى وتعب وعرفنا قيمتهم
قال الرئيس عبد الفتاح السيسي، إنه لا بد أن تكون درجة الوعي لدى المصريين كافية، متابعًا: ليا تجربة في أحداث 2011 و2012 و2013 واللي بعد كده، لما حصل مشكلة مع الشرطة، وشوفنا قد إيه المجتمع عانى وتعب، وانتهك بشكل كبير، والميزة الوحيدة، إننا عرفنا في الوقت ده قيمة ابننا وبنتنا اللي موجودين في الشارع دول، بنكون نايمين وهما صاحيين.
وأضاف السيسي خلال كلمته في إفطار أكاديمية الشرطة: في الوقت ده الجيش نزل، وكنت أنا مدير مخابرات، وقولتلهم خلي بالكم الجيش اللي نزل هيكون محتاج إعادة تأهيل وعودته لمكانه، موجهًا حديثه للمواطنين: محدش يشوف خبر أو صورة أو أي حاجة في مواقع التواصل ويتحامل على الجهاز، وده خطر، لأن الهدف من ده في الأول والآخر يخلي المجتمع غير راضي.
واستكمل الرئيس السيسي: لو تفتكروا من 15 سنة، اتعملت حاجات قبل 2011، وقدروا من خلال الشحن والإشاعات والكذب والافتراء يخلوا جزء كبير متحامل عليه، وفيه برامج شغالة دلوقتي على إن الكلام ده ميتكررش تاني وميتعملش تاني، لكن بقوله من ضمن الوعي.
