رضا مديرك أو زوجتك معجزة.. عمر طاهر: مقولة زمن المعجزات انتهى كدبة كبيرة
انتقد الكاتب عمر طاهر من خلال برنامجه الإذاعي الفاترينة، عن وجود المعجزات من حولنا تحت عنوان: حكاية المعجزة اللي بتحصل كل يوم.. موضحًا أن كل ما يحدث في حياتنا اليومية معجزة في حد ذاته.
وأكد الكاتب عمر طاهر في برنامجه عبر إذاعة إنرجي 92.1، أهمية المعجزات في حياة الإنسان، وأن كل ما يحدث في يومه جزء من معجزات كبيرة، حتى لو بدت أشياء عادية، مستندًا إلى جملة من دعاء كتبها الشاعرعبد الفتاح مصطفى: كل الوجود معجزة تشهد بـ سر الله.
عمر طاهر ينتقد أصحاب مقولة زمن المعجزات
وقال طاهر: لو ركزت كل يوم في اللي حواليك وبيحصلك، هتلاقي كل حاجة معجزة وأنا مش مع الناس اللي بتقول زمن المعجزات انتهى، دي كدبة كبيرة، لو بصينا على نفسنا هنلاقي معجزة زي التفكير، البصر، الكلام اللي بنقوله وتكوين جملة بسيطة، ولو بصيت في اللي حواليك هتكتشف كم المعجزات.
وأوضح طاهر أن الله جعل المعجزات بهدف تحقيق الرضا للإنسان، ومع ذلك كل شخص يشعر بأن شيء ما ينقصه رغم المعجزات التي لا تنتهي، والرضا للإنسان صعب بشكل عام، مضيفًا أنك تراضي الكل دي معجزة كبيرة، في حدود حياتك، لما تحاول تراضي زوجتك ومديرك في الشغل دي كلها معجزات للإنسان.
واختتم عمر طاهر: كل إنسان ربنا مراضيه في تفصيلة بـ حياته ولو راحت حياته كلها هتبوظ، ومش بتبقى شايفه كل ده، متصدقش فكرة زمن المعجزات انتهى، ولو فيه حد مش شايف ده حواليه قوله عمر طاهر بيقولك كل حاجة فيها رضا.
