مجدي عبد الغني: موديست وسافيو لاعيبة مضروبة.. والزملكاوية جالهم عدم اتزان بسبب بن شرقي
أوضح مجدي عبد الغني، لاعب النادي الأهلي السابق، رأيه في عدد من الصفقات التي أنجزتها القلعة الحمراء خلال الفترة الماضي، منها صفقة اللاعب أشرف بن شرقي وصفقة إمام عاشور.
تصريحات مجدي عبد الغني
وقال مجدي عبد الغني خلال تصريحات تليفزيونية: صفقة إمام عاشور مفيدة للأهلي جدًا وهو نجم كبير، وصفقة بن شرقي دوخت الزملكاوية وعملتلهم عدم اتزان، بدليل إن الأهلي أول ما جاب بن شرقي هما اتعادلوا في أول ماتش ومكنوش متخيلين إن بن شرقي اللي لعب لسنين طويلة في الزمالك يروح الأهلي.
كما عبّر مجدي عبد الغني عن رأيه في صفقات اللاعيبة التي تتخطى 100 مليون جنيه، مضيفًا: بقينا نسمع أرقام غريبة جدًا لا تصلح لكرة القدم المصرية؛ لأن أنديتنا غلابة مش أغنياء ومفيش دخل، اللاعيبة لا تستحق المبالغ الضحمة دي لا في النادي الأهلي ولا الزمالك ولا حتى الصفقات الأجنبية، بدليل إن المغرب وتونس مش بتجيب لاعيب بالأرقام دي مهما كانت شطارتهم.
وأردف مجدي عبد الغني: دلوقتي الأندية عايزين يرضوا جماهيريهم وخلاص، واللي بيحصل في النادي الأهلي من ديون دي إدارة عبارة عن إدارة مكنتش عارفة بتعمل إيه، والميزة في النادي الأهلي إنه محدش بيسمع عنه حاجة ولما بيجيب لاعيبة مضروبة بيخلصوا الموضوع في هدوء، زي صفقة سافيو وميكيسوني وموديست، كل دول لاعيبة مضروبة.
واختتم مجدي عبد الغني حديثه، قائلًا: الكورة دلوقتي بقيت سبوبة كبيرة جدًا، وفيه ناس مكنتش تحلم تعدي من قدام نادي بقوا مليونيرات وراكبين عربيات بـ 12 مليون ومكنوش لاقيين ياكلوا قبل كده.
