عرضوا عليا أعمل إعلان بربع مليون جنيه.. فتاة تحذر من تطبيق تعارف شهير: أبلكيشن هدفه قذر
تصدر فيديو لـ فتاة تحذر من أحد تطبيقات التعارف، تريند مواقع التواصل الاجتماعي، بعد أن طلبت إحدى شركات تطبيقات التعارف الشهيرة من الفتاة، عمل إعلان ترويجي للتطبيق مقابل مبلغ مالي بقيمة 250 ألف جنيه.
فتاة تحذر من تطبيق شهير للتعارف
وشاركت الفتاة، فيديو عبر حسابها الرسمي بمنصة فيسبوك للتواصل الاجتماعي، قالت فيه: من كام يوم بنت من شركة دخلت كلمتني واستغربت أوي لما لقيتها بتقول الفلوس اللي هاخدها من الإعلان قبل حتى ما تقول تفاصيله أو طبيعة الشغل، وده مش عادي خالص، أول كلامها معايا هدفعلكِ مبلغ كذا.
وأردفت: الإعلان طلع عن أبلكيشن قذر، بمعنى الكلمة للتعارف، عملت سيرش على التطبيق ده ولقيت أن فعلا فيه بنات عاملة عليه إعلانات، واللي معروف عنه أنه أبلكيشن بنلعب عليه ألعاب وبنتعرف على بعض، لكن هو الحقيقة مش هدفه كده خالص، هو بجد غرضة وحش.
عشان كده أي أم أو بنت بتشوف الفيديو بتاعي بقولها خلي بالك عشان الأبلكيشن ده ممكن يوصلك وممكن يهدد بيتك وعيالك خلوا بالكوا يا جماعة الموضوع خطير ومش سهل، يا ريت نحافظ على نفسنا وابعدوا عن تطبيقات التعارف دي؛ لأنها دمرت بيوت ناس كتير وخربتها بجد مش مجرد كلام.
