صغيرة: لو في حد ميت وحاطة صورته بروفايل على واتس فهل بيتعذب؟.. علي جمعة يوضح
أجاب الدكتور علي جمعة، عضو هيئة كبار العلماء على سؤال صغيرة نصه: لو في حد ميت وحاطة صورتة بروفايل على واتس فهل بيتعذب؟.
صغيرة: لو في حد ميت وحاطة صورته بروفايل على واتس فهل بيتعذب؟.. علي جمعة يوضح
وقال علي جمعة خلال برنامجه الدين والدنيا: الأمر إذا ضاق اتسع، يعني الواتس هو ومضات ومش حاجة حقيقية، فالتليفزيون فيه المذيع بيقول النشرة وأنا شايفه على الشاشة، فهل هو حقيقي ولا ايه؟، هو حقيقي موجود في مدينة الإنتاج وبيقول النشرة، لكن الصورة اللي قدامي مجموعة ومضات بتتجمع بطريقة معينة وبتبقى صورة.
وتايع: هل اللي أنت بتعمليه دا بيشغلك عن عبادة الله يعني قلبك هيتعلق بها بحيث إنك تعصي ربنا أول ما تشوفيها؟، لا، إذن فهذا لا علاقة له بما نتكلم فيه في الشرع الشريف من تنزيه الإنسان عن الشرك، وتنزيه عن إن شيء يعطله عن عبادة الله.
معلق صورة على الحيط فهل الملائكة لا تدخل البيت؟
فيما أجاب علي جمعة على سؤال صغير نصه: معلق صورة على الحيط فهل الملائكة لا تدخل البيت؟
وقال علي جمعة: لا، لأن الملائكة لا تدخل البيت عندما يكون في تمثال معبود، لكن هل أنت بتعبدها؟، لا، هل الصورة تمثال؟، لا، فالصورة المعلقة عندي في البيت هي عبارة عن احتباس ظل واحتباس الظل لا حكم له.
وتابع: الفوتوجرافر كله لما جينا نترجمه ترجمناه بأنه صورة، لأن شكلي ف المراية صورة فسموه صورة لكن في الحقيقة شكلي في المرابة هو في الحقيقة مش صورة فهو ظل، يعني هي انعكاس، لذك الصورة المعلقة عندي في البيت هي عبارة عن اختباس ظل واحنباس الظل لا حكم له.
لو بشيل حاجة مضيقاني في الصورة كحيوان ظاهر فيها فهل دا حرام؟
كما أجاب علي جمعة على سؤال: لو بشيل حاجة مضيقاني في الصورة كحيوان ظاهر فيها فهل دا حرام؟
علي جمعة: مفيش مانع، لكن تبقى حرام لو في تزوير، متابعا: ما أنت بترسمي ممكن تحطي حيوان أو تشيل حاجة.
