زعمت جمع الأموال لمساعدة الفقراء.. منشورات تتهم بلوجر شهيرة بالنصب باسم التبرعات
وجه عدد من رواد التواصل الاجتماعي اتهامات إلى بلوجر شهيرة، والتي تعمل كموديل ومدرسة، بالاحتيال، وتداولوا شهادات من أشخاص زعـموا أنها جمعت تبرعات باسم المحتاجين، لكنها استولت عليها لنفسها، حيث انتشرت هذه الاتهامات وأثارت جدلًا واسعًا على مواقع التواصل الاجتماعي، خاصة في أوساط العاملين بمجال الموضة والتجميل، الذين حذروا من التعامل معها.
وزعم عدد من رواد مواقع التواصل الاجتماعي فيسبوك عن تعرضهم لطلبات مساعدة مالية من قبل الموديل، قبل أن يكتشفوا أنها لجأت للأسلوب نفسه مع العديد من الأشخاص.
زعمت جمع الأموال لمساعدة الفقراء.. منشورات تتهم بلوجر شهيرة بالنصب باسم التبرعات
كشف أحد الحسابات على مواقع التواصل الاجتماعي فيسبوك تفاصيل ما حدث معها قائلة: دخلت أسألها عن تكلفة جلسة تصوير سيشن ففوجئت بأنها تتحدث عن التبرعات ومساعدة المحتاجين، واستغربت الربط بين الأمرين، لكنني التزمت الصمت، وبعدها بفترة قصيرة، طلبت مني تبرعات مرة أخرى، وعندما أخبرتها بأنني أساعد أشخاصًا أعرفهم بالفعل، تفاجأت بأنها قامت بحظري دون أي نقاش.
ومع تزايد الشكاوى حول تعرض عدد من الأشخاص لنفس الأسلوب، زعموا أن العارضة الشابة جمعت أموالًا ضخمة بحجة مساعدة الفقراء، دون وجود دليل على وصول تلك التبرعات إلى مستحقيها.
كما شن حساب يدعى حسناء هشام هجومًا حادًا على بلوجر شهيرة، بعد انتشار أنباء تتهم الأخيرة بالاحتيال على المواطنين واستغلال التبرعات لأغراض شخصية.
وعبر حسابها الشخصي، استنكرت حسناء هشام ما فعلته البلوجر، مؤكدة أنها سبق وتعرضت للهجوم من قبلها قبل سنوات دون أي سبب، وقالت في منشور غاضب: بلوجر شهيرة، اللي كانت من فترة بتتبلى عليا وتنزل بوستات تهاجمني بدون سبب، طلع عليها دلوقتي غطاء الستر، وبان حقيقتها، ومن سنين، بعت لها رسالة فيها حسبي الله ونعم الوكيل، لأنها افترت عليا، وها هي الأيام تثبت حقيقتها، والنصابة كانت بتجمع تبرعات باسم الفقراء، لكنها في الحقيقة كانت بتحطها في جيبها.
وتابعت: تخيلي إنك كنتِ السبب في حرمان ناس محتاجة من المساعدة، لمجرد إنك بتجري ورا الفلوس وتصرفيها على نفسك، حسبي الله ونعم الوكيل، ربنا هيحاسبك على كل قرش أخدتيه بغير حق!.
وجاء في منشور آخر لاقى تفاعلًا واسعًا: "بجد مش قادر أفهم، إزاي أي حد دلوقتي بقى بيجمع تبرعات؟ وعلى أي أساس الناس بتثق فيهم وبتبعت فلوس عمياني كده؟! يعني مفيش أي جهة رقابية، ولا أي ضمان إن الفلوس دي بتوصل فعلًا للمحتاجين؟"
وأضاف صاحب المنشور: "طب أمال الجمعيات الخيرية، المستشفيات، والمؤسسات الرسمية معمولة ليه؟ والمبدأ اللي دايمًا بنتكلم عنه إن الأقربون أولى بالمعروف، ده راح فين؟! مش المفروض الأول نساعد اللي حوالينا من أهلنا وجيراننا والناس اللي محتاجة بجد، بدل ما ندي فلوسنا لحد مجهول؟"
وقال منشور آخر "أنا مش بحب الفضيحة، بس اللي حصل لازم يتقال، من فترة بلوجر بعتتلي تطلب فلوس، وقالت إنها تعبانة وبعتتلي صور، استغربت جدًا، إحنا مش أصحاب ولا بينا أي علاقة، ازاي تطلب مني مساعدة؟ لكن وقتها قولت يمكن فعلًا محتاجة، وفضلت تحلفني ماقولش لحد."
وتابعت: "بهبلي، حاولت أساعدها وجمعتلها المبلغ من صحابي، لكن بعدها بدأت أشوفها بتنزل حالات جديدة كل يوم، وكأنها لسه محتاجة فلوس! هنا بدأت أحس إن في حاجة غلط، إزاي تكون بتطلب مساعدة وهي كل يوم بتنشر محتوى عادي؟"
واختتم منشوره بغضب: "أنا دلوقتي حاسس بالذنب، لأني كنت سبب في إن ناس تانيين دفعوا فلوسهم وهي ممكن تكون بتضحك علينا! إزاي حد يوصل لمرحلة إنه يدّعي المرض عشان يستعطف الناس؟ إزاي حد يطلب تبرعات وهو شغال وعنده دخل؟ اللي بعتولها فلوس ممكن يكونوا كانوا محتاجينها أكتر منها! ربنا شال ستره عنك، وربنا يهديك إنتي وكل اللي زيك!"
وكشف أحد المنشورات المتداولة: "عمري ما كنت من النوع اللي يكشف ستر حد، لكن اللي بيحصل ده حرام! البلوجر مش بس موديل، دي كمان مدرسة، وناس كتير وقعت ضحية ليها. عندي معارف كتير من الميكب آرتيست والموديلز اكتشفوا إنها بتطلب تبرعات وبتاخدها لنفسها، رغم إنها مش محتاجة. ياريت الناس تاخد بالها منها!"
وأثارت هذه الاتهامات حالة من الجدل بين المتابعين، خاصة مع ظهور شهادات أخرى تؤكد تعرض أشخاص للنصب بالطريقة نفسها، وطالب الكثيرون بضرورة توخي الحذر قبل إرسال أي تبرعات، والتأكد من الجهات التي تدّعي الحاجة، حتى لا يقع المزيد من الضحايا في فخ الاحتيال الإلكتروني.
