مسلسل أثينا الحلقة السادسة| آدم ينهي حياته.. وريهام حجاج تُحلل الشخصية المجهولة: فلتر للبني آدمين
عُرضت الحلقة السادسة من مسلسل أثينا، بطولة الفنانة ريهام حجاج، والتي دارت حول إنهاء الطالب آدم حياته بعد كشف سرقته امتحانات الجامعة من قِبل الشخصية المجهولة أثينا.
وتحدثت نادين -ريهام حجاج- عن الشخصية المجهولة أثينا، خلال الحلقة السادسة قائلة: أيًا كان مين هيطلع ورا موضوع أثينا ده أكيد له هدف، مروان ومي وآدم وداليدا دول اللي متأكدين أن أثينا بتكلمهم طب إيه اللي بيجمعهم غير أنهم أصحاب؟، كلهم شخصيات ضعيفة وانهزامية، الموضوع أكبر من واحد بيهدد شوية عيال، ده واحد بمجرد ميكروفون وكاميرا كل حاجة بنكتبها وبنقولها وبنحكيها وبنصورها ممكن تبقى في إيده ويعرف يستخدمها ضدك لو أنت في نظره تستحق العقاب أو تستحق متبقاش موجود.. أثينا ده فلتر لـ البني آدمين.
وأعربت نادين، عن إحساس بالذنب تجاه الطالب آدم، الذي أنهى حياته بعد كشف سرقته امتحانات الجامعة، حيث إنها واجهته بفيديو اعترافه قبل أن ترسل الشخصية المجهولة أثينا الفيديو لكل طلاب وإدارة الجامعة، قائلة: مستحملش كان خارج من الجامعة حاطط وشه في الأرض كأنه نفسه يختفي من الدنيا كلها، كان ممكن أساعده وأطبطب عليه وأطمنه وأقوله ميخافش.
مسلسل أثينا
ومسلسل أثينا بطولة كل من: ريهام حجاج، أحمد مجدي، سوسن بدر، وسلوى محمد علي، ونبيل عيسى، ومحمود قابيل، وتامر هشام، وهو من تأليف محمد ناير، وإخراج يحيى إسماعيل.
