حسام حبيب: مسامح شيرين عبد الوهاب.. ونفسي ربنا يجبر خاطري ويرزقني الذرية الصالحة| خاص
علق الفنان حسام حبيب، على حديثه عن طليقته الفنانة شيرين عبد الوهاب، خلال حلوله ضيفًا ببرنامج المقالب رامز إيلون مصر، موضحًا أنه لا يحمل أي ضغائن تجاهها.
وقال حسام حبيب، في تصريح لـ القاهرة 24: لو فيه حاجة وجعاني ومش قادر ولا عارف استوعبها أن أكتر شخص حبيته وضحيت بكل حاجة في حياتي علشانه وعيشت معاه كل الظروف السعيدة والحزينة الصعبة والسهلة، اللي أول مرة شاف دموعي كان من قلقي عليه أول مره يشوفني خايف كان عليه شافني وأنا بواجه كل الدنيا علشانه ومش فارق معايا نفسي.
وواصل حسام حبيب: اللي كنت كل مرة يجرحني ويدمرني كنت أسامحه قبل ما قلبي حتى يطيب علشان مش قادر أشوف دموعه أو أشوفه مكسور، أكتر حد عارف لسه لحد اللحظة دي بيراهن عليها بعد ما يصدمني أن عمل فيا كده أكتر من مره مهموش أن يعمل فيا كده وبس، لأ مشي وخاف على نفسه وشكله قدام الناس ورضي بوجعي وكسرة قلبي، لأنه عارف أن مهما حصل عمري ما أبرء نفسي علشان أضره لأنه عارف قيمته عندي ومخافش من رب الناس وده اللى مخوفني عليه.
وأضاف حسام حبيب: أنا مسامح وربنا يعمل لكل حد فينا كل الخير في حياته، وأنا لو مستني عوض ربنا عمري ما أكون مستني أني أشوف فيها حاجة وحشة، والله بتمنى لها حياة سعيدة وصحة ونجاح، والعلاقة اللي تسعدها وتتمناها، وأنا ربنا يرضيني ويجبر خاطري، وبصراحة نفسي يرزقني بالذرية الصالحة اللي اتسند عليها الباقي من عمري لو ليا عمر.
