أول تعليق من حسام حبيب على مقدمة برنامج رامز إيلون مصر: استودعت سيرتي عند ربي |خاص
علق الفنان حسام حبيب، على المقدمة السخرية التي قدمها الفنان رامز جلال في بداية حلقته ببرنامج رامز إيلون مصر، والذي لاقت تفاعلًا واسعًا من الجمهور ما بين مؤيد ومعارض على المقدمة.
وقال حسام حبيب في تصريح خاص لـ القاهرة 24: رامز جلال أكيد بيهزر لأنه عارف أن كل ده مش حقيق ولو حقيقي مكنتش ههزر فيه، وأنا لو الكلام اللي بيتقال من زمان في حاجه واحدة صح كنت زعلت أو علقت أو اتهزيت، لكن من زمان بيتقال عليا الكلام ده من سنين وعمري ما اتهزيت ولاهتأجر لأني أدافع عن نفسي وأوصل للمستوى ده.
وتابع: اللي يخاف اللي أدعى وكذب وأفترى ورضي الظلم لأقرب الناس ليه واللي فضله على نفسه وعلى كل حاجة اللي يخاف اللي اشترى تعاطف البشر بغضب ربنا المطلع وتجاهل عدله واستهون بالمنتقم الجبار عالم ما في القلوب والصدور، ونسى أن ربنا سبحانه وتعالى قال وعزتي وجلالي لأنصرنك ولو بعد حين، وقال وأصبر لحكم ربك فأنك بأعيننا وأنا مصدق وعد ربى، وأن كان في الدنيا أو الأخرة أنا راضي بحكمته أن أخاف على اللي ضل الناس وورطهم في الظلم وتشويه إنسان وسمعته وأخد مفتاح جنته وجنة كل حد اتورط معاه في ظلمه.
وأوضح: من أيد الرحمن الرحيم المنتقم الجبار العدل الباقي والخالق وحطه في أيد بشر بيموت وبيجوع وبيأكل علشان يعيش ومحدش عارف هي أمتى مش موجود في الدنيا علشان يسامحه ونتقابل كلنا قدام رب الناس وساعتها هيبقى فات الأوان، هما دول اللي المفروض يخافوا ويقلقوا من أنهم تجاهلوا العدل المنتقم ومخافوش منه ونسيوا إن رب الناس قال:يا أيها الذين آمنوا إن جاءكم فاسق بنبإ فتبينوا أن تصيبوا قوما بجهالة فتصبحوا على ما فعلتم نادمين، وقال أيحب أحدكم أن يأكل لحم أخيه ميتًا.
واختتم حسام حبيب: أنا خايف وزعلان عليهم مش منهم أما أنا مطمن واستودعت سيرتي عند رب الناس الحكم العدل وراضي بحكمه أي كان أنا راضي.
