حسام حبيب يهنئ تامر حسني ورامي صبري بأغنيتهما الجديدة: كان هدفهم صادق فطلعوا إبداع
هنأ الفنان حسام حبيب زملائه الفنان تامر حسني ورامي صبري بأغنيتهما الجديدة فعلًا مبيتنسيش، التي قدمها الثنائي للجمهور في الفترة الأخيرة، حيث أشار حبيب إلى أن الثنائي قدما إبداع في هذه الغنوة، التي أظهرت مدى قوة وموهبة هذا الجيل.
وكتب حسام حبيب ستوري عبر حسابه الشخصي بموقع إنستجرام، قال فيها: أنا بكتب كلمتين من قلبي مش عارف هي مباركة ولا شكر، ولا درس وبداية جديدة لجيل أنا فخور إني أكون منه، إخواتي وأصحابي تامر أنت من زمان وأحلامك وأفكارك كانت دايما تخص جيلك، ودايمًا كنت بتتكلم معانا من وإحنا صغيرين باسم جيلنا مش باسم تامر، بس أنت حلمت لجيلك وعلشان كده أنا فعلا فهمت يعني إيه نجم الجيل.
وأضاف حسام حبيب: كنت زمان فاهم إن المقصود بيها إنك الأنجح وده حقيقي، لكن النهاردة فهمت معناها الحقيقي أنت النجم اللي حلم لجيله مش لنفسه، ودلوقتي حلمك بيتحقق يا صاحبي.
وواصل حسام حبيب: والنجم الثاني أخويا صاحب أجمد صوت وإحساس، كان دايما بيقولي أنا بحلم وعندي هدف وهو كمان كان دايما مهتم إن إحنا کجیل لازم نشارك بعض، ونقدم للناس حقيقة روح وفن الجيل ده، وكان بكل تواضع بيقول ده لكل فنانين جيله لحد ما التقى النجمين اللي هدفهم صادق وطلعولنا إبداع، مش بس في المزيكا لا والله في الروح والفكر، أنتم فرحتوني وأمتعتوني وخليتوني أفتخر إني من الجيل ده، اللي إن شاء الله عمر فنه وإبداعه ما يخلص.. شكرا لإنكم فتحتم نفسي وجلعتوني أحب المزيكا يمكن أكتر من الأول یا جیل جامد وجامد أوي کمان.. أنتم اللي فعلا محددوش.
