بيشوفوا حساب انستجرام قبل الحجز.. فتاة تعبر عن استيائها من شروط دخول كافيه شهير بالإسكندرية
من خلال تقييم حسابك على منصة إنستجرام.. هكذا كانت أبرز الشروط الغريبة التي فرضتها مجموعة من الكافيهات والمطاعم بـ محافظة الإسكندرية خلال شهر رمضان للدخول، قبل أن تتعرض لانتقادات واسعة، حيث عبرت إحدى مستخدمي مواقع التواصل عن استيائها بسبب وضع هذه الشروط لدخولها، وهو ما يُسمى بـ الدور سيليكشن.
شروط دخول كافية شهير بالاسكندرية
ونشرت فيديو عبر تيك توك عبرت فيه عن استيائها من رفض كافيه شهير بالإسكندرية دخولها هي وصديقاتها بعد إرسال حساباتهم الشخصية عبر انستجرام، وفرض الكافيه لـ معايير غير منطقية لدخوله بـ تقييم المستوى الاجتماعي للزبائن، وإرسال الحساب الشخصي على إنستجرام، وعلى أساس المظهر الاجتماعي للشخص وبيئته وما يتناوله حسابه على السوشيال ميديا، يتم الموافقة وتأكيد الحجز أو رفضه.
وقالت عبر الفيديو: إيه اللي بيحصل ياجماعة في كافيهات إسكندرية ده، يعني إيه اتصل بيهم عشان أحجز ليا ولصحابي بعد الفطار يقولولي ابعتي الحسابات الشخصية بتاعتكم، وبعدها ردوا عليا بـ 9 ساعات وقالولي أسفين بس كله محجوز، مع إني نزلت واتمشيت وروحت لقيته فاضي عادي وفيه أماكن، واللي عرفته إنهم تقريبا بيبصوا على البروفايل ويشوف مين لائق ومين لا، ودي حاجة غريبة وتموت فعلًا، والمكان ده على جثتي أدخله تاني، ومش هروحه أبدًا.
