ضربه بـ عصاية وجاله نزيف رئوي.. فتاة تشكو من كافية في دهب بعد الاعتداء على كلب
انتشرت خلال الفترة الأخيرة، عبر منصات مواقع التواصل الاجتماعي فيديوهات لـ تعذيب الكلاب، إذ أصبحت من أكثر الظواهر التي يتعرض لها الحيوانات بمختلف المناطق والشوارع، وفي هذا السياق نشرت فتاة فيديو عبر حسابها بمنصة تيك توك للفيديوهات تشكو فيه من اعتداء عامل في كافية شهير في دهب على كلب ضال.
وشاركت فتاة تُدعى إنجي خالد، فيديو عبر حسابها بـ منصة تيك توك للفيديوهات، تشكو فيه من اعتداء أحد العاملين بـ كافية شهير في دهب على كلب، مستخدمًا عصى كبيرة الحجم، إذ ضرب العامل الكلب على قفصه الصدري مما تسبب في إصابته بـ نزيف رئوي حاد.
وقالت الفتاة في الفيديو: حسبي الله ونعم الوكيل، الناس الأيام دي كلها بتسافر دهب، واليومين دول بالذات، لكن شوفت حاجة، لحد دلوقتي مش قادرة أتجاوزها، كنت ماشيه في دهب، جنب كافية وفجأة عامل خرج من غير أي رحمة ضرب كلب بـ عصاية كبيرة على القفص الصدري، لدرجة أن العصاية اتكسرت نصفين، كل ده بسبب أن الكلب بيقطع الفرش.
فتاة تشكو من كافية في دهب
وأضافت: وبعدها علطول الكلب طلع دم من بوقه كتير جدًا، وفضلنا ندور على عيادة تستقبل حالته لحد مالقينا دكتور بالعافية، والكلب دلوقتي حالته خطيرة جدًا، بسبب أن ما فيش شوية رحمة للحيوانات، وأنا عامله الفيديو ده عشان الناس متروحش الكافية بسبب أنه بيأذي الكلاب والقطط عشان الناس تبقى مبسوطة، لكن الراجل اللي في الكافية معندوش أي رحمة ولا إنسانية، والموضوع وجع قلبي جدًا، على الكلب المسكين اللي ملوش ذنب.
