ابن عم زوج آية عادل المتوفاة بالأردن: الفيديو متفبرك وكريم بعيد عن القتل تمامًا |بث مباشر
شهدت مواقع التواصل الاجتماعي، خلال الساعات الماضية تداول عدد كبير من رواد السوشيال ميديا مقطع فيديو لشخص يسقط من شرفة أحد الأبراج السكنية، مدعين أن هذا الفيديو لسيدة مصرية تدعى آية عادل مقيمة بالأردن رفقة زوجها.
كشف كواليس وتفاصيل الفيديو المتداول
وقال أحد أفراد أسرة كريم خالد زوج الضحية، في تصريحات خاصة لـ القاهرة 24، إن الفيديو المتداول عبر منصات وسائل التواصل الاجتماعي لسقوط آية ليس حقيقيًا، وكل اللي اتقال شائعات وافتراء والفيديو متفبرك.
وأوضح أن أخلاق كريم تمنعه من فعل كل ما قيل عنه من أقاويل عن إنهائه لحياة زوجته، مؤكدًا أنه إذا كان يرغب في الانفصال عن زوجته كان سينفصل عنها، وأنها هي التي ألقت بنفسها من شرفة المنزل.
وأضاف: متوقعش كريم يعمل كده لأني أعرفه من زمان، وهو راجل صعيدي وأصيل والصعايدة ميعملوش كده خالص في أهل بيتهم ودي حقيقة شوفتها.. دكتور كريم ولا أخلاقة ولا تربيته تسمحله يعمل كده ولو هو مش عاوز مراته كان هينفصل عنها في هدوء ومش هيقتلها، واللي حصل قضاء وقدر وكل اللي اتقال من عيلتها كدب في كدب، وحسبي الله ونعم الوكيل، والحقيقة هتظهر إن شاء الله.
وأردف: القتل بعيد عنه تمامًا، وعلى كل حال الله أعلم بالحقيقة فين أنا بتكلم من واقع اللي شفته منه ومعرفش هو ازاي ممكن يعمل كده، بصراحة مش متخيل لأنه إنسان محترم جدًا والكل يشهد له، ومراته ماتت وخدت سرها معاها.
