أبرز تصريحات حمادة هلال مع معتز الدمرداش: الجزء الخامس للمداح هو الأخير.. وبعدت عن الأغاني الحزينة لأني أذيت الناس
حل الفنان حمادة هلال ضيفًا على برنامج ضيفي مع معتز الدمرداش، وخلال وجوده تحدث عن دخوله مجال التمثيل، وسبب بعده عن الأغاني الحزينة خلال الفترة الخيرة، مؤكدًا أيضًا أن الجزء الخامس من المداح هو الأخير.
أبرز تصريحات حمادة هلال في برنامج ضيفي مع معتز الدمرداش
- أي حد دلوقتي يقدر ينجح لو عمل فيديو على تيك توك إنما احنا كان صعب عندنا النجاح.
- كنت ملحن أغنية أنا لا مسطول ولا بطوح لـ محمد سعد في فيلم عوكل، ولما كلمتهم حسيت أن في حرج وأنهم مش حابينها فاقولتلهم لا تمام عشان هما حبايبي.
- ولما قدمت الأغنية في فيلم العيال هربت الناس اتخضت وقالوا هو ده صاحب أغنية دموع.
- بعدت عن الأغاني الحزينة لأني شُفت أني أذيت الناس جدًا.. وأنا مش مطرب شعبي وبقدم أنواع مختلفة.
- أستاذ سامي العدل الله يرحمه طلب مني أني أمثل وقولتله لاء.. وقالي هتمثل معايا في مسلسل بدارة وأنا كنت بخاف منه، ومن هنا نفسيتي اتفتحت للتمثيل.
- مش حابب يوسف ابني يتعرض لكسرة خاطر في التمثيل قدام وبنصحه يركز في دراسته.
- الجزء الخامس من المداح هو الأخير.
أعمال حمادة هلال
ويخوض حمادة هلال الماراثون الرمضاني المقبل 2025 بالجزء الخامس من مسلسل المداح، بطولة هبة مجدي، حنان سليمان، خالد سرحان، دنيا عبد العزيز، طارق النهري، تامر شلتوت، محسن محي الدين، محمد عبد الحافظ، إيمان يوسف، يسرا اللوزي، والعمل من تأليف أمين جمال، شريف يسري، وليد أبو المجد، إنتاج صادق الصباح، إخراج أحمد سمير فرج.
