حمادة هلال عن بدايته الفنية: غنيت في أفراح شعبي.. ووالدي أضايق مني وبطلت علشان خاطره
حل الفنان حمادة هلال ضيفًا على برنامج ضيفي مع معتز الدمرداش، الذي يعرض عبر قناة الشرق، للحديث عن بدايته الفنية، وبعض الأعمال التي عمل بها قبل دخوله مهنة الفن.
حمادة هلال يتحدث عن بدايته الفنية
وتحدث حمادة هلال قائلًا: الغناء مكنش في دماغي وخالي كان بيحب التمثيل والغناء واكتشف أن صوتي حلو وهو كان بيدعمني في المدرسة كنت بغني وقالوا صوتي حلو وكنت بغني أناشيد ومش لاقي نفسي بردو.
وأضاف: غنيت في جميع الأفراح ببلاش عشان بحب الغنا ووالدي أضايق وقالي مش كل شوية هجيبك من فرح، ولما قررت أروح لمنتج شعبي اشترط عليا أغني في حفلة عشان يشوف صوتي ووالدي كان معايا وأنا بغني الشرطة طبت علينا ووالدي شالني وجرينا وأعتذرت له بعدها، وخدت قرار أني مش هغني في أفراح تاني.. وبعدها بوست أيد والدي واعتذرت له وقولت خلاص وخدت قرار أني مش هغني في أفراح تاني وأشفقت على والدي لأن كنا بنجري في أرض زراعية وطول عمري بتعامل معاه أنه، أخ وربنا يديله الصحة يا رب.
وواصل حديثه: كنت بشتغل وأنا صغير سباك ونجار ودهان سيارات وكنت بفشل فيهم وفي الإجازة ومكنش عندنا رفاهية أننا نروح مصيف ولو روحنا بيبقى يوم واحد كان في نفسي يكون معايا فلوس في محفظتي وما أطلبش من والدي مصروف.
