اعترفات رجل الأعمال المتهم بقتل زوجته بالتجمع الخامس: رفضت إني أزورها في المستشفى آخر 10 أيام لها| خاص
يواصل القاهرة 24 انفراده بنشر التحقيقات في القضية التي حملت رقم 12846 لسنة 2024 والمعروفة إعلاميا بمقتل مرام أسامة التي تعرضت لإصابات بالغة في الرقبة والبلعوم، ورفض زوجها نقلها إلى المستشفى لتلقيها العلاج بعد تعديه علها بالضرب والخنق، ما أدى إلى تعرضها لـ مضاعفات صحية خطيرة، وحبسها الزوج في المنزل لمدة 5 أيام، وحين تم نقلها إلى المستشفى فشل الأطباء في علاجها، وتوفيت، تاركة خلفها صغيرتين.
زقيتها على السرير وكتمت بوقها..اعترفات رجل الأعمال قاتل زوجته بالتجمع الخامس
ونستكمل نشر أقوال الزوج رجل الأعمال المتهم بقتل زوجته مرام أسامة أمام جهات التحقيق، حيث قال: حطيت إيدي على بوقها لما قالت إنها خانتني مع طليقها علشان تسكت فضربتني وإيدي اتشالت من على بقها وأناقمت رميتها على السرير فوقعت على السرير وكانت بتضرب فيا برجليها، وبعد الخناقة، دخلت غيرت هدومها وقالتلي عايزة تنزل تعمل تقرير على الكدمات اللي فيها وتعمل محضر.
وأضاف المتهم: قولتلها تمام أنا هدخل أغير وعقبال ما دخلت أغير سمعت باب الشقة بيتقفل ولبست بسرعة ونزلت وراها وحاولت أوقفها في الشارع، وبعدين قولتلها تعالي وأنا هوصلك المكان اللي أنتي عايزاه سواء عايزة تروحي المستشفى أو القسم، وأنا هوصلك وبعدين ركبت معايا العربية وكلمت أختها وإحنا في الطريق رايحين المستشفى وقالتلها اللي حصل وساعتها أختها غلطتها وقالتلها أنتي مستنية ايه من واحد قولتيله إنك خنتيه مع طليقك.
واستكمل المتهم بقتل زوجته مرام أسامة بالتجمع الخامس: لما وصلنا عند المستشفى نزلت ومخلتنيش أنزل معاها فأنا ركنت بعد المستشفى بشوية وكلمت أختها حكيتلها كل حاجة بالتفصيل وقولتلهم حد يكلمها يطمن عليها، فهما قالولي روح فروحت لقيت اخوها ماجد في البيت وكان بيتكلم فيديو كول هو ومامته وأخته وشايفين إن هي غلطانة وكانوا بيشتموا في صاحبتها علشان بتقويها.
وواصل: وبعد كده مرام كلمتني قالتلي إنها هتيجي تلم حاجتها وتمشي، فأنا قولت لإخوتها الكلام دا وهما قالوا لا مفيش الكلام دا، وبعد كدا مرام راحت البيت وكانت واقفة على السلم مش عايزة تدخل وكانت عايزة الشغالة تجهز لها الحاجة بتاعتها من غير ما تدخل وتنزل، فساعتها أنا وماجد أخوها اتكلمنا معاها وشدناها من ايديها ودخلناها البيت وأول ما دخلت جوا قولتلها يا مرام عايز اتكلم معاكي، فلما طلعنا الدور اللي فوق تتكلم عرفت إن مستنيها صحابها دينا وحد تاني تحت البيت علشان كانوا كل شوية يكلموها عشان تنزلهم.
واستطرد الزوج المتهم أمام جهات التحقيق: ساعتها أخدت من مرام التليفون وقولت لدينا سيبيني أحل مشكلتي مع مراتي لحد ما مرام هديت، وأنا قولتلها خلاص هلم هدومي بكرة وأمشي من البيت وهي تاني يوم 3-11-2024 صحيت الصبح وراحت الشغل وجبت ناس تصلح السخان ولما رجعت كانت طبيعية وحتى باليل طلبت مني أدخل أنام في الأوضة، وهي كانت بتشتكي أن جسمها واجعها وذراعتها وزورها، فقولت نروح المستشفى أطمن وفي يوم 4-11-2024 رحنا مستشفى النسائم في التجمع الخامس ودخلنا لدكتور باطنة وعملت إشاعات والدكتور كتبلها مراهم، وبعدين دخلنا لدكتور أنف وأذن وحنجرة، وقالها أن عندك التهاب شديد في اللوز وكتبلها أدوية وبدأت من اليوم دا تاخذ الأدوية وكتبلها إجازة من الشغل.
وأردف المتهم: وهي قالتلهم في الشغل أنها عاملة حادثة وفضلت تاخذ الأدوية بس حالتها مكنتش بتتحسن ويوم الأربعاء 6-11-2024 بالليل كانت هي تعبانة وحاسة إن زورها وودانها وجعينها فقولتلها تعالي نروح المستشفى فقالتلي مش قادرة فطلبتلها دكتور في البيت جه وكشف عليها وقالها عندك صديد كثير في اللوز، ورحت بيها الطوارئ في مستشفى النسائي، وقولتلها تعالي نكشف فقالوا برده عندها صديد على اللوز وحطولها مسكن في المحاليل، وروحنا البيت بعدها وتاني يوم كنت ابتدت تتحسن شوية وبعدين أخدتها بالليل خدت حقنة مضاد حيوي في مستشفى النسائم، وبعدين يوم الجمعة كنت نزلت أصلي أنا ورجعت البيت دخلت أطمن عليها وأشوفها قالتلي إنها جابت ترامادول وأخدته عشان زورها، وتعبانة وجبتلها أكل وبعدها بشوية كانت بتشرب ميه وشرقت بشكل غريب وكانت مش عارفة تطلع المياه ولا تدخلها وثاني يوم السبت 9-11-2024 لقيت مرام تعبانة وضغطها عالي.
واستكمل: أخدتها ونزلت على المستشفى وساعتها دخلنا الطوارئ وقولت لهم إن مرام عملت حادثة عشان كنا متفقين على كدا وعملولها إشاعات وسونار وشكوا إن فيه حاجة مقطوعة في المريء، وقالوا إنهم هيعملوا أشعة بالصبغة وأول ما شربت الصبغة شرقت نفس الشرقة اللي شوفتها قبل كدا وساعتها هما شافوا الصبغة نزلت على الرئتين وقالولي أن الأحسن أنقلها عين شمس التخصصي عشان يبقى في التخصص الأنف والاذن والحنجرة، ووفرت سرير في عين شمس التخصصي ووصلنا لدكتور اسمه أحمد وجناه مستشفى النسائم كشف عليها، وبعد كذا نصحني أنقلها مستشفى السعودي الألماني، وقولت لدكتور أحمد المشادة اللي حصلت ما بينا عشان يبقى كل حاجة قدام عينه.
واستطرد المتهم بقتل زوجته: نقلناها على السعودي الألماني يوم الأحد بليل 10-11-2024 ولما دخلت عملت منظار وعمليات وكان السبب اللي قالوه إن هي ممكن تبقى بلعت حاجة حادة وشربت حاجة قلوية أو التهاب شديد في الزور، وفضلت في المستشفى طول الفترة ديه وكنت كل يوم ببقى موجود في المستشفى وآخر 10 أيام مكنتش بطلع فوق عشان هما كانوا بيقولوا إن مرام مش عايزاني أطلعها فوق لحد ما توفيت، وعرفت وأنا في البيت ونزلت رحت على المستشفى ولما رحت قابلني أخوها محمد واتخانق معايا وبعدين لقيت ميكروباص جاي وفيه ضابط وقالي هنروح على القسم علشان في محضر معمول، فطلعنا على القسم وقولتلهم كل اللي حصل وعرضوني على جهات التحقيق.
