استولى على بيتي وطردني.. سيدة تستغيث من طليقها بكفر الشيخ: قالي أنا عاوز أقهرك| بث مباشر
استغاثت سيدة تدعى سهام، مقيمة في محافظة كفر الشيخ، من بطش طليقها الذي طلقها غيابيًا واستولى على منزلها الخاص وجميع ممتلكاتها ومنقولاتها داخل المنزل، ولم يكتفِ بذلك بل شهر بها وبسمعتها حتى ينال منها.
سيدة تستغيث من طليقها في كفر الشيخ
وقالت السيدة سهام، إنها تعرفت على زوجها وأحبته فتزوجت منه وساندته طوال فترة زواجهما، حيث لم تتخلى عنه أبدًا وكذلك لم يكن هناك أي خلافات بينهما.
وتابعت: أنا إنسانة عادية حبيت واحدة واتجوزته ووقفت جنبه.. كان عندي مشروع صفيته وحطيت كل فلوسي في بيت بنيته وهو محطش فيه طوبة.. بعد ما بنيت البيت أهله وصحابه قعدوا فيه بدون أي وجه حق.. وفجأة جوزي بعت لي صاحبه وبيقولي إنتي مش على مزاجي وعاوز أطلقك.. بسأل جوزي ليه صاحبك يقول الكلام ده قالي أصل هو كل حياتي.
وأضافت سهام، أن زوجها اشترط عليها أن تتنازل له عن كافة ممتلكاتها حتى يطلقها، معلقة: اشترط عليا عشان يطلقني إني أتنازل له عن البيت وكل ممتلكاتي.. وقالي هطلعك من البيت بتاعك وهسكنك بالإيجار عشان أقهرك على بيتك.
وأوضحت، أن زوجها شهر بسمعتها وخاض في عرضها وشرفها، بالإضافة إلى أنه كان يتعدى عليها بالضرب بشكل مبرح وأحدث بها إصابات خطيرة في مختلف أنحاء جسدها.
وواصلت: جوزي بدأ يشهر بيا ويقول إني سيئة السمعة وكان بيضربني بشكل مبرح.. طردني من البيت من غير هدومي وجاب ستات تقعد في بيتي.. بيضحك عليا وبيقولي أنا مش عارف بعمل كده ليه معاكي شكلي مسحور.. وفي الآخر طلقني غيابي وبقيت مشردة في الشارع أنا وعيالي.. أنا عايزة حد ينجدني أنا وعيالي أنا معملتش حاجة عشان حياتي تدمر كده.
