معاناة سيدة قعيدة تفترش الرصيف بالسويس: جوزي وبنتي محتاجين علاج ومش قادرة أصرف عليهم | بث مباشر
استغاثت سيدة تدعى أم أحمد، مقيمة في حي الأربعين بمحافظة السويس، وذلك لتوفير الدعم المادي اللازم لها، حيث إن ظروفها المادية متدهورة بالإضافة إلى أنها مصابة بجلطة في المخ أفقدتها قدرتها على الحركة، ورغم ذلك فإنها تفترش الأرض لبيع بعض المنتجات الغذائية البسيطة سعيًا منها لتوفير مصدر رزق لها.
معاناة سيدة في السويس
وقالت السيدة أم أحمد إن زوجها كان يعمل داخل الأسواق في تنظيف الأسماك، إلا أنه أُصيب بمرض الكبد فأصبح ملازمًا للفراش ولم يعد باستطاعته أن يمارس أي عمل.
واستكملت: زوجي كان شغال في تنضيف السمك ولكن جاله مرض الكبد وبطل شغل.. وبنتي عندها صرع وضمور في العضلات وقعيدة مش بتتحرك.. مكنش قدامي غير إني أنزل أشتغل وأشقى عشان أصرف عليهم.. بس للأسف جالي جلطة في المخ وبقيت قعيدة بس لازم أشتغل.. وبفرش على الرصيف أبيع شوية مكرونة وأرز.
وأضافت السيدة أم أحمد أنها تتمنى أي مساعدة من أهل الخير لجلب بضاعة لها بكميات أكبر لتوفير مصدر رزق لها، معلقة: نفسي أجيب بضاعة أكتر عشان أصرف على جوزي وعيالي.. جوزي وبنتي بيحتاجوا مصاريف كتير عشان العلاج.. لما بيحتاجوا يكشفوا أو يعملوا أي تحاليل بستلف من الناس.. وأنا مش عاوزة حاجة غير إن ربنا يوسعها عليا وآكل لقمتي بالحلال.
