حنان مطاوع: مش فاهمة ليه الواحد يعيط في البرامج.. وعايزة الناس تفتكرني بالخير
علقت الفنانة حنان مطاوع، على لقب النجمة الملتزمة، بجانب انتقادها لبكاء النجوم في البرامج التلفزيونية، موضحة أنها لا تفضل الحديث عن الجانب الشخصي في البرامج.
وقالت حنان مطاوع، في تصريحات إذاعية، عن لقب النجمة الملتزمة: مقولتش أني فخورة بـ لقب النجمة الملتزمة، طبعًا متشكرة على اللقب ولكني مش عايزة ألقاب أنا عايزاهم يفتكروني بالخير وخلاص، وطبيعي كلنا ملتزمين وأتمنى لما حد يُلحق بي لقب يكون مرتبط بـ فني زي الشاطرة أو الموهوبة، تبقى حاجة مرتبطة بـ أدائي مش شخصي، وأعتقد أني ممكن أبقى متحررة في وجهة نظر البعض وملتزمة في وجهة نظر البعض الآخر.
أما عن بكاء النجوم في البرامج التلفزيونية فعلقت حنان مطاوع: أنا مش فاهمة ليه الواحد يروح برنامج عشان يجرح في حد سواء عايش أو متوفي، أو حد يروح برنامج علشان يعيط، أو حد يبتزلني عاطفيًا، الناس فيها اللي مكفيها وكلنا عندنا أوجاعنا وأمراضنا، ومن وجهة نظري فلنقل خيرًا أو لنصمت.
آخر أعمال حنان مطاوع
وعلى جانب آخر، يعرض حاليًا مسلسل صفحة بيضا بطولة حنان مطاوع، سامي الشيخ، مها نصار، نور محمود، عمر الشناوى، أحمد ماجد، أحمد الشامي، طاهرة، تيسير عبد العزيز، أحمد والي، أيسل رمزي، كريم عبد الخالق، أميرة حافظ، الطفلة دالة حربي، وظهور خاص للفنانين يوسف حشيش، أيمن الشيوي، نبيل علي ماهر، ماجدة منير، مجدي السباعي، وضيوف الشرف دعاء حكم، جمال يوسف، عبد الرحيم حسن، حنان يوسف، حسن العدل، سامح الصريطي، ميمي جمال، والعمل من تأليف حاتم حافظ وإخراج أحمد حسن.
