نادر حمدي: بمشي في الشارع الناس بتقولي سيبها بظروفها.. ونفسي أرجع للغناء تاني
تحدث الموزع الموسيقي نادر حمدي، عن إمكانية عودته للغناء مرة أخرى، بعد تعاونه مع فرقة واما في بداية مشواره الفني، وأغنيته المنفردة الشهيرة سيبها بظروفها.
وقال نادر حمدي، في لقائه مع القاهرة 24: أنا نفسي أدخل مرحلة الغناء تاني، ولو هعمل حاجة هتبقى ألبوم ولكنه هياخد وقت، أنا بمشي في الشارع الناس بتقولي سيبها بظروفها، والحمد لله الأغنية من 2008 وكسرت الدنيا بالنسبة ليا وأنا بنزل أغاني بمزاجي ومبفكرش بشكل تجاري، ولكن الفترة اللي جاية هفكر بشكل تجاري اللي ينفعني والناس تحب تسمعه.
نادر حمدي: الذكاء الاصطناعي مفيد وبستخدمه
وعلى جانب آخر، سبق وأن كشف الموزع الموسيقي نادر حمدي، عن رأيه في استخدام الذكاء الاصطناعي في صناعة الموسيقى، حيث قال في لقائه مع القاهرة 24: كل حاجة جديدة، مفيدة وهتودينا في حتت تانية مختلفة، الذكاء الاصطناعي مهم جدا في حاجات كتير مش بس الغناء، وممكن أستخدمه واستخدمته بالفعل في حاجات، بس على فكرة هو الذكاء الاصطناعي طول عمره موجود وخصوصا في المزيكا، بس ظهر مؤخرا بشكل كبير.
وأضاف نادر حمدي: كمان موضوع تركيب صوت مطرب على أغنية مطرب تاني حاجة جميلة، أنا عن نفسي سمعت تراكات كتير لمطربين بأصوات مطربين تانيين كان شكلها أحلى من اللي كانت عليه، وحسيت لو كانت نزلت بالصوت ده كانت هتبقى أحلى.
