إداله سميط ببلاش.. طفل يثير إعجاب السوشيال ميديا: ربنا اللي بيرزق ونفسي أشوف محمد رمضان
تداول مستخدمو مواقع التواصل الاجتماعي، مقطع فيديو لصغير يبيع سميط ومخبوزات، يجوب شوارع المهندسين باحثًا عن قوت يومه، ليفاجأ بشخص يطلب منه بعض المخبوزات دون مقابل مادي، وليوافق الصغير، قائلًا: خد اللى انت عايزه، وليصبح بعد هذا الفيديو، تريند منصات التواصل الاجتماعي.
الصغير عبد المسيح وجدي بائع السميط
وقال الطفل الذي يدعى عبد المسيح وجدي صاحب الـ 14 عامًا لـ القاهرة 24: اتفاجئت بالفيديو ومبسوط بردود الناس وتعليقاتهم.
وتابع: أنا بدرس في الصف الأول الإعدادي، وشغال من سنة عشان أساعد والدي، وبشتغل في الإجازة.
وتابع عبد المسيح وجدي: أهلي شافوا الفيديو وفرحوا بيا وقالوا لي شاطر، ومبسوطين من تعليقات الناس، وربنا اللي بيرزق ومش هيأثر على رزقي لما أطعم حد محتاج، أنا الحمد لله شغال وراضي بكسب حوالي من 90 لـ 100 جنيه في اليوم، وعايش أنا وأهلي على قد ظروفنا، والحمد لله اللي بشتغل بيه بتعلم بيه.
وأشار عبد المسيح وجدي، إلى أنا أنه يحب أعمال الفنان محمد رمضان، قائلًا: نفسي أشوف محد رمضان وأسلم عليه وبحب كل أعماله وخصوصًا مسلسل جعفر العمدة، ونفسي أطلع مهندس بترول، ومش عايز لما أكبر يكون عندي مدير شديد في معاملته ليا.
