محمد رمضان: أخويا في الرضاعة مسيحي.. واتعلمت من أهلي الإحساس بالغير
تحدث الفنان محمد رمضان عن طفولته، موضحًا أنه اندرج من عائلة بسيطة ونشأ في بيئة سوية فكريًا، بجانب الكشف عن شقيقه في الرضاعة الذي ينتمي إلى الديانة المسيحية.
وقال محمد رمضان، في تصريحات تلفزيونية: بيتنا في الجيزة في منطقة ريفية في أراضي زراعية كتير جدًا وكنا تقريبا 10 بيوت في الشارع كله وكنا البيت المسلم الوحيد في الشارع، والشارع كله مسيحين وأخويا في الرضاعة مسيحي واسمه روماني، لأن أمي تعبت 6 شهور وهو أخويا أخويا، ولغاية ثانوي كنا مع بعض وبنقول على بعض اخوات.
وتابع: أبويا وأمي ناس بسطة جدًا ولكن ادوني اللي أنا بتمنى أدي ربعه لـ ولادي، وأنا عمري ما طلبت حاجة مش في استطاعة أبويا وهما اللي علموني أحس بالغير، وأن الثقة في الله نجاح وبقت دي كلمة على طول ملزماني.
وأضاف محمد رمضان: اتعلمت الفلسفة بسبب أخويا وأختي وده اللي وداني للتمثيل، والممثل يرى ما لا يراه الآخرون، واللي واثق من نفسه كعب رجله بيلمس الأرض الأول واللي مش واثق الحتة اللي قدام اللي بتلمس الأرض الأول وصدره بينحني وبيبقى مستضعف.
محمد رمضان
ومن ناحية أخرى، يعكف الفنان محمد رمضان، على الانتهاء من تصوير فيلم أسد، والعمل بطولة الفنان محمد رمضان، ويشاركه كل من: خالد الصاوي، رزان جمال، علي قاسم، ماجد الكدواني، محمود السراج، وآخرون، والعمل من تأليف شيرين وخالد ومحمد دياب، ومن إخراج محمد دياب.
