إحنا ستات وملناش غير ربنا.. صاحبة مشروع للحلويات مهددة بغلقه بسبب تهديدات جارها
خلال الساعات الأخيرة، تداول مستخدمو مواقع التواصل الاجتماعي فيديو لسيدة تدعى آية حلويات، تملك مشروعا صغيرا للحلويات، التي اشتكت من تهديد جارها لها، بسبب استخدامها شقتها للمشروع الخاص بها.
صاحبة مشروع للحلويات مهددة بغلقه بسبب تهديدات جارها
وفي فيديو عبر حسابها الشخصي بفيس بوك، تطرقت آية حلويات إلى تفاصيل تهديد جارها لها قائلة: أنا عاملة المشروع ده عشان خاطر بناتي، بس ده معجبش الناس، وكنت بنزل أبيع في الشارع فكنت بتهدد، ولما بدأت أكمل مشروعي في بيتي، اتهددت من جاري.
وتابعت آية حلويات: ربنا جعلني سبب في رزق ناس كتير، وده معجبش ناس كتير، وجيراني بلغوا عني كذا مرة، بس الحمد لله ربنا كان بيسترها معانا، لكن الفترة الأخيرة هددوني، وأمي تعبت، وإحنا في الآخر ستات، والموضوع زاد جدا.
وأكملت: أنا مُطالبة أسيب الشقة اللي أنا موجودة فيها بسبب التهديدات، وماما تعبت بسبب المشاكل، وأنا مش عارفة أروح فين، عشان إيجارات المحلات غالية جدا، أنا هوقف شغل ومش عارفة أروح فين، وأنا مش مسامحة أي حد ساهم في غلق باب رزقي ورزق ناس كتير شغالة معايا.
