هالة جلال: مهرجان الإسماعيلية ليس مخصصًا لإطلالات الفنانين.. وهناك فرصة للتعاون مع السينمائيين
كشفت المخرجة هالة جلال، رئيسة مهرجان الإسماعيلية للأفلام التسجيلية والقصيرة، تفاصيل الدورة السادسة والعشرين للمهرجان، والتي من المقرر أن تُقام فعالياتها خلال الفترة من 5 إلى 11 فبراير المقبل.
هالة جلال: مهرجان الإسماعيلية ليس مخصصًا لإطلالات الفنانين
قالت هالة جلال على هامش المؤتمر المقام حاليًا بمركز الإبداع بدار الأوبرا المصرية: "في ناس كتير بيقولوا لي إنكِ هتقدمي لمهرجان الإسماعيلية أفضل من اللي قبلك، ولكن الحقيقة إحنا مش بنفكر بطريقة تنافسية، ولكن عندنا أحلام عايزين نحققها."
تابعت هالة جلال: "ومش أهم حاجة في المهرجان لبس الفنانين، ولكن عندنا حاجات تانية مهتمين بيها، والدورة دي من مهرجان الإسماعيلية هتكون فرصة إن السينمائيين يقابلوا بعض ويكون بينهم أعمال مشتركة."
تفاصيل مهرجان الإسماعيلية
ومن جانبها، قالت المخرجة ماجي مورجان: "اشتغلنا مع مجموعة كبيرة من المبرمجين، وفخورة بالأفلام اللي هتتعرض لأنها أفلام مختلفة، وعندنا أفلام عديدة من مختلف المجالات، ومبسوطة إن في أفلام كتير من آسيا وأوروبا."
قال الفنان أحمد نبيل: "فخور جدًا إني أكون مسؤول عن مسابقة النجوم الجديدة لأن فكرة النجوم الجديدة مهمة علشان نغير صورة إنهم لسه بيدرسوا. أنا قضيت وقت كبير مع الشباب اللي عايزين يدرسوا، واختارنا 17 فيلمًا بتغطي عددًا كبيرًا من المدن مثل القاهرة والإسكندرية، بالإضافة إلى مخرجين من أسوان وسوهاج وبورسعيد. اشتغلت على هذا البرنامج، ومتحمس إننا نعرض أعمال الشباب ونرحب بيهم في عالم السينما."
