أحمد فهمي: رحت لدكتور نفسي عشان أسيطر على عصبيتي بسبب التعليقات المسيئة
كشف الفنان أحمد فهمي، سبب استعانته بـ طبيب نفسي منذ العام الماضي، معربًا عن استيائه الشديد بسبب التعليقات المسيئة التي يتلقاها هو وزملاؤه الفنانين.
وقال أحمد فهمي، خلال لقائه مع الإعلامي شريف عامر، في برنامجه يحدث في مصر: فيه ناس ساعات بتبقى عايزة تضايقك من غير سبب، وفيه ناس بتستفزني في المطلق، وبتعلق بهجوم، ولكني من السنة اللي فاتت بدأت أروح لـ دكتور نفسي وأتكلم معاه علشان أسيطر على العصبية، وقالي إن مشكلتي إني بحاول أتبنى أفكاري.
كما تحدث أحمد فهمي، عن كيفية فصله بين الغناء والتمثيل، قائلًا: المزيكا مبتفارقنيش لحظة ومرتبطة طول الوقت بالتمثيل، وأنا ببقى عايز أفصل بين أني مغني وأني ممثل، مش عايز المشاهد يشوفني بمثل ويلاقيني بغني التتر، علشان كده بفصل ومبغنيش في مسلسلات بمثل فيها.
أحمد فهمي: مسلسل نقطة سودة كان مُهلك
أما عن كواليس مسلسله الجديد نقطة سودة، فقال أحمد فهمي: بدأنا تحضيره في شهر 5، وبدأنا تصوير في أول 9، وخلصنا تصوير في فبراير واتعرض آخر السنة، كان مقلق بالنسبة ليا إنه 50 حلقة ولكن إحنا كنا متفقين أنهم يبقوا 3 أجزاء كل جزء 15 حلقة، والورق من البداية وهو لسه حلقتين أو 3 كان بالنسبة ليا حلو أن الناس تشتغل المسلسل الطويل على أنه مسلسل قصير، لأن المسلسلات الطويلة بيبقى فيها حاجات مملة، إحنا اشتغلنا من اللحظة الأولى أن كل حلقة يبقى فيها أحداث والناس تتشد للمسلسل، طبعًا كان مُهلك ولكن الحمد لله.
