أحمد فهمي: مسلسل نقطة سودة كان مُهلك.. ومشكلة الدراما العربية أنها بتركز على البطل بس
تحدث الفنان أحمد فهمي، عن كواليس مسلسله نقطة سودة، الذي تًعرض حلقته الـ 50 والأخيرة منه اليوم، بعد النجاح الكبير الذي حققه منذ عرض أولى حلقاته عبر شاشة قناة MBC مصر ومنصة شاهد.
وقال أحمد فهمي، خلال لقائه مع الإعلامي شريف عامر، في برنامجه يحدث في مصر: بدأنا تحضيره في شهر 5، وبدأنا تصوير في أول 9، وخلصنا تصوير في فبراير واتعرض آخر السنة، كان مقلق بالنسبة ليا إنه 50 حلقة ولكن إحنا كنا متفقين أنهم يبقوا 3 أجزاء كل جزء 15 حلقة، والورق من البداية وهو لسه حلقتين أو 3 كان بالنسبة ليا حلو أن الناس تشتغل المسلسل الطويل على أنه مسلسل قصير، لأن المسلسلات الطويلة بيبقى فيها حاجات مملة، إحنا اشتغلنا من اللحظة الأولى أن كل حلقة يبقى فيها أحداث والناس تتشد للمسلسل، طبعًا كان مُهلك ولكن الحمد لله.
وتابع أحمد فهمي: أنا الحمد لله الفترة اللي فاتت دي ربنا كارمني في المشاريع اللي بعملها، وكان مسلسل بين السطور محقق نجاح كبير وخرجت منه خايف من الخطوة اللي بعدها، ولكن الحمد لله من بداية الحلقة الرابعة الناس بدأت تتعلق بمسلسل نقطة سودة.
وأضاف: مشكلة الدراما العربية إن المسلسل بيركز على البطل لوحده، ولكن فيه نقطة سودة التركيز كان على كل الأبطال، وفي واحد قابلني قالي متثقش في أي واحدة ست زي فيروز دي، وطبعًا الدراما لازم يكون فيها مبالغة علشان الناس تفضل تتشد للأحداث.
