سيد عبدالحفيظ يطالب بكشف سبب انسحاب الأهلي أمام الزمالك.. وما هي جهة خصم نقاط المباراة
عبر الكابتن سيد عبدالحفيظ، مدير الكرة السابق بالنادي الأهلي، عن استيائه الشديد من الغموض الذي يكتنف قرار خصم 3 نقاط من الأهلي، بسبب عدم خوض مباراة القمة أمام الزمالك.
وقال عبدالحفيظ في تصريحات تلفزيونية: أنا برضه كأهلاوي، كنت محتاج توضيح من الأهلي مروحناش الماتش ليه واتخصم مني 3 نقاط ليه، كنا محتاجين توضيح القرار اللي أنا أخذته صح يبقى أنا اتعاقبت ليه؟ مش موضوع بقى نقسم البلد نصين، أنا أخسر كورة مفيش مشكلة ولو ليا حق أخذه.
سيد عبدالحفيظ يطالب بكشف سبب انسحاب الأهلي أمام الزمالك.. وما هي جهة خصم نقاط المباراة
وتساءل عبدالحفيظ عن الجهة المسؤولة عن خصم النقاط، قائلًا: طيب مين خصملي النقاط؟ الرابطة ولا اتحاد الكورة ولا الأهلي مكنش على حق؟ أنا كسيد عبدالحفيظ الصراحة مش مستحمل فكرة إني خسرت نقطة واحدة عشان ملعبتش.
وانتقد عبدالحفيظ المشهد الكروي الحالي ووصفه بـ المنظر اللي مش كويس من أوله لآخره، مضيفًا: لو هنتكلم بشكل احترافي، إحنا شايفين نظام في وسط فوضى وفوضى في وسط نظام، حاجة معتادة في آخر 8 سنين، بقينا نشوف فرق في الملعب وفريق مش موجود، أنا بتكلم على الكل الأهلي والزمالك واتحاد الكورة والرابطة والوزارة، الأطراف كلها بقت متشابكة مع بعض ومفيش نظام.
وأكد عبدالحفيظ على رفضه فكرة خصم النقاط إذا كان الأهلي على حق، مشيرًا إلى أهمية الأرقام التاريخية في مباريات الديربي، قائلًا: مش قابل إن يتخصم مني نقطة لو أنا على حق، في أرقام تاريخية مع المنافس لازم تركز عليها، أنا ليا 12 سنة بكسب الزمالك، الموسم الحالي محصلتش، يا جماعة ده ديربي، كل ما تعلى الأرقام معاه تفرق تسويقيًا.
وتأتي تصريحات سيد عبدالحفيظ، لتعكس حالة الجدل والاستياء لدى جماهير ومسؤولي النادي الأهلي، تجاه الطريقة التي تم بها التعامل مع أزمة مباراة القمة والخصم اللاحق للنقاط.
