أبرز تصريحات طه دسوقي مع منى الشاذلي: الفن لعبة جماعية ومش وقت البحث عن الذات
فتح الفنان طه دسوقي قلبه وتحدث عن كواليس مسلسله الأخير وذلك خلال تواجده ضيفا ببرنامج معاكم مع منى الشاذلي على قناة on، وكشف عن تجربته في العمل مع زميله أحمد مالك، مشيرا إلى التحديات التي واجهوها والمواقف الإنسانية التي لا تنسى.
أبرز تصريحات طه دسوقي مع منى الشاذلي
وكشف طه دسوقي عن موقف طريف مع زميله أحمد مالك أثناء تصوير مشاهد الملاكمة في المسلسل، حيث قال: أحمد مالك مكنش بيطلب معايا أكل طول ما إحنا بنصور مشاهد الملاكمة، لحد ما خلصنا المشاهد دي، وبعد كده رجع ياكل تاني!، في إشارة إلى الجهد الكبير الذي بذله مالك في أداء المشهد.
تحدث طه عن صعوبة مشهد موت شخصية مفتاح، حيث أشار إلى أنه لم يكن يعرف بالضبط كيف يتم تصوير مشهد الموت بشكل واقعي، وقال: مراتي ساعدتني في مشهد موت مفتاح، عشان مكنتش عارف اللي بيموت بيموت إزاي. كانت بتقول لي لازم تكون مشاعر الشخص واضحة، معبرا عن امتنانه لمساعدتها في تحسين أدائه.
أشاد طه بالمخرج شادي عبد السلام ودعمه الكبير طوال تصوير المسلسل، قائلا: المخرج شادي عبد السلام وقف جنبنا ودعمنا لحد آخر مشهد. كان دائما بيشجعنا على تقديم الأفضل.
كشف طه عن مشاعر التأثر التي عاشها أثناء تصوير مشهد موت شخصية مفتاح، حيث قال: مكنش عنده حاجة يعيش عشانها واتخطفت. واتأثرت وأنا بتفرج على نفسي في المشهد ده. عيطت وأنا بتفرج على مالك في المشهد. كان إحساس صعب جدا، لكن كان من أفضل اللحظات في العمل.
طيلة حديثه، أكد طه أن الفن ليس مجرد عمل فردي، بل هو تعاون جماعي بين كل أفراد العمل الفني، وقال: الفن لعبة جماعية، وده الوقت اللي كلنا عندنا حاجة نقدمها للتاني، مش وقت إن الواحد يدور على نفسه. لازم كلنا نكون مع بعض ونساعد بعض.
كشف طه عن طريقة تفاعله مع ضغوط مواقع التواصل الاجتماعي، قائلا: أنا وأحمد مالك كنا بنشد من بعض التليفونات عشان منقراش التعليقات السلبية لحد ما نخلص تصوير. كنا مركزين في شغلنا فقط.
وفي ختام تصريحاته، أثنى طه على زميله أحمد مالك، معتبرا أنه كان أفضل شريك عمل معه، وأضاف: أحمد مالك كان أحسن شريك أمثل معاه. كنا بنفهم بعض كويس في التصوير، وكان بينا انسجام كبير في العمل.
