بتغير من أختها ومش محبوبة.. ننشر أقوال مديرة المدرسة بواقعة تعدي طالبات على زميلتهن بأكتوبر
كشفت التحقيقات التي أجرتها جهات التحقيق المختصة، تفاصيل جديدة في واقعة تعدي طالبات مدرسة بـ أكتوبر على زميلتهن، وإصابتها بقطع في الوجه.
أقوال مديرة المدرسة
وحصل القاهرة 24 على نص أقوال مديرة المدرسة التي شهدت واقعة تعدي طالبات على زميلتهن بأكتوبر.
وقالت مديرة المدرسة أمام جهات التحقيق: المجني عليها سارة عندها مشكله إن هي على طول شايفة إن أختها احلى منها وإنها مش محبوبة وجنی ومریم وحالا دول لسا جايين المدرسة السنة دي فمعرفش طبيعتهم قوى ومافيش حد بيحبها ودا اللي بيجيلي من الأخصائية الاجتماعية علشان بسأل وبتابع طلابي.
وأضافت مديرة المدرسة خلال التحقيقات: اللي أنا أعرفه إن كان في موقف في آخر امتحانات في الترم الأول وفي واحدة فتنت على رايان إنها جايبه ولدین وإحنا شفناهم وكان معاهم مطاوي وجايين على موتوسیکل وبره المدرسة وكلمنا أهالي البنتين يجوا ياخدوهم وساعتها اتواصلنا مع إدارة 6 أكتوبر التعليمية علشان نخطرهم.
وتابعت مديرة المدرسة: يوم الواقعة مريت على لجان الامتحانات ودخلت اجتماع مع المدرسين وتفاجأت بصوت صراخ معلقة: جريت وسألت في إيه قالولي إن سارة وریان اتخانقوا وإن سارة متعورة جامد وأخدناها على العيادة عندنا وإحنا اتواصلنا مع التربية الاجتماعية في الإدارة التعليمية ووالد البنت سارة كلم الشرطة وأخدوا سارة للمستشفى وعملوا تقرير طبي، واللي سمعته إنهم كانوا بيتخانقوا علشان ولد اسمه يوسف.
