أحرج إنجي علي وانتقد أشقاءه.. أبرز تصريحات محمود حميدة: أُفضّل إني أعيش مفضوح
حل الفنان محمود حميدة ضيفا على الإعلامية إنجي علي، وخلال اللقاء تحدث عن بعض الأمور الخاصة في حياته، كما أحرجها بسبب توجيه سؤال له لم يعجبه.
ووجهت إنجي علي سؤالا لـ حميدة، قالت فيه: “نفسك تقدم إيه يا أستاذ محمود؟”، ليُجيبها: الأسئلة دي بعتبرها نوع من المراهقة، سؤال اللي بيسأله مجنون، ده عبط مفيش بعد كدة.
محمود حميدة يحرج إنجي علي
كما كشف أنه يختلف مع أشقائه في الرأي، إذ قال: إخواتي بيبحبوا يمشوا تبع السُنّة ويربوا دقنهم ويلبسوا جلابية، وعايزين يعيشوا كما عاش الرسول والصحابة، أنا مش شايف إن دا مظبوطة، أنت عايز ترجع بالزمن يعني؟، إحنا ربنا خلقنا عشان نطلع لقدام لو عملنا كدة نبقا مش مؤمنين بيوم البعث.
وبجانب هذه التصريحات قال الفنان محمود حميدة: أُفضل إني أعيش مفضوح لإن غلق الأبواب أو كثرة الأسرار المحافظ عليها بتعطل في التعبير، أنا لما بخبي حاجة يبقى بمرن نفسي على إني أخبي وبالتالي لما آجي أعبر عن شيء هيبقى ناقص، والممثل كلما كان منفتحًا كلما كانت قدرته على التعبير أكثر.
